କ୍ରେଡିଟ୍ କାର୍ଡ ସହ ଲିଙ୍କ୍ ହେବ ପାନ୍ କାର୍ଡ ! ଛୋଟ ମୋଟ ସବୁ ଖର୍ଚ୍ଚ ଉପରେ ଏବେ ନଜର ରଖିବ ଆୟକର ବିଭାଗ

ଓଡ଼ିଶା ଡଟ୍ ନ୍ୟୁଜ୍

ନୂଆଦିଲ୍ଲୀ, ୩୦ | ୩: କ୍ରେଡିଟ୍ କାର୍ଡ ବ୍ୟବହାର କରୁଛନ୍ତିକି? ତେବେ ଏହା ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଖବର | ଯଦି ଆପଣ ସପିଂ କିମ୍ବା ବିଲ୍ ପେମେଣ୍ଟ ପାଇଁ ଆପଣଙ୍କର କ୍ରେଡିଟ୍ କାର୍ଡ ବ୍ୟବହାର କରୁଛନ୍ତି , ତେବେ ଏହି ଖବର ବିଷୟରେ ଜାଣିବା ଆପଣଙ୍କ ପାଇଁ ଜରୁରୀ ଅଟେ | କାରଣ ୧ ଏପ୍ରିଲ୍ ୨୦୨୬ ଠାରୁ ଏଥିରେ ପାଞ୍ଚଟି ନିୟମ ପରିବର୍ତ୍ତନ ହେବାକୁ ଯାଉଛି | ଆୟକର ଆଇନ ୨୦୨୫ ଅନୁଯାୟୀ ଏହି ନିୟମ କାର୍ଯ୍ୟକାରୀ ହେବାକୁ ଯାଉଛି । ସେହିପରି ନୂତନ ନିୟମ ଆପଣଙ୍କ କ୍ରେଡିଟ୍ କାର୍ଡ ବ୍ୟବହାରର ତଦାରଖକୁ କଡ଼ାକଡ଼ି କରିପାରେ | କାରଣ ଏହା ପାନ୍ କାର୍ଡ ଲିଙ୍କ୍ କରିବାଠାରୁ ଆରମ୍ଭ କରି ଉଚ୍ଚ-ମୂଲ୍ୟର କାରବାର ପର୍ଯ୍ୟନ୍ତ ସବୁକିଛି ଉପରେ ତଦାରଖକୁ କଡ଼ାକଡ଼ି କରିବ । ନୂଆ ଆୟକର ନିୟମ ଅନୁସାରେ ବଡ଼ ରାଶିର କ୍ରେଡିଟ୍ କାର୍ଡ ଟ୍ରାଞ୍ଜାକ୍ସନ୍ ଉପରେ ସରକାର ନଜର ରଖିବେ ଏବଂ ପାନ୍ (PAN) ସହ କ୍ରେଡିଟ୍ କାର୍ଡ ଲିଙ୍କ କରିବା ବାଧ୍ୟତାମୂଳକ ହେବ ।

ତେବେ ଏହା କ୍ରେଡିଟ୍ କାର୍ଡ ବ୍ୟବହାରକାରୀଙ୍କ ଦୈନନ୍ଦିନ ଖର୍ଚ୍ଚ ଉପରେ ବିଶେଷ ପ୍ରଭାବ ପକାଇବ ନାହିଁ କିନ୍ତୁ ଯଦି ଆପଣ ଅବଶ୍ୟକତାରୁ ଅଧିକ ଖର୍ଚ୍ଚ କିମ୍ବା ବାରମ୍ବାର ବିଦେଶ ଯାତ୍ରା କରନ୍ତି ତେବେ ଏହା ଆପଣଙ୍କୁ ମହଙ୍ଗା ପଡିପାରେ | ଯଦି ଏକ ବର୍ଷ ମଧ୍ୟରେ ଆପଣଙ୍କ କ୍ରେଡିଟ୍ କାର୍ଡ ବ୍ୟବହାର କରି ମୋଟ ୧୦ ଲକ୍ଷ ଟଙ୍କା କିମ୍ବା ତା’ଠାରୁ ଅଧିକ କେହି ଦେୟ କରନ୍ତି, ତେବେ ସତର୍କ ହୋଇ ଯାଆନ୍ତୁ । କାରଣ ଏବେ ବ୍ୟାଙ୍କଗୁଡ଼ିକ ଏହି ସମ୍ପର୍କିତ ସୂଚନା ସିଧାସଳଖ ଆୟକର ବିଭାଗକୁ ଜଣାଇବେ। ଏହା ବ୍ୟତୀତ, ଯଦି ଆପଣ ଆନ୍ତର୍ଜାତୀୟ ଯାତ୍ରାରେ ଯଥେଷ୍ଟ ପରିମାଣର ଖର୍ଚ୍ଚ କରୁଥାନ୍ତି , ତେବେ ସେହି ଖର୍ଚ୍ଚଗୁଡ଼ିକ ମଧ୍ୟ ଏହି ଯାଞ୍ଚର ଅଧୀନରେ ରହିବ।

ଯଦି ଆପଣ ଏକ ଆର୍ଥିକ ବର୍ଷ ମଧ୍ୟରେ ଆପଣଙ୍କ କ୍ରେଡିଟ୍ କାର୍ଡ ବ୍ୟବହାର କରି ମୋଟ ୧୦ ଲକ୍ଷ ଟଙ୍କା କିମ୍ବା ତା’ଠାରୁ ଅଧିକ ଦେୟ କରନ୍ତି, ତେବେ ସତର୍କ ହୋଇ ଯାଆନ୍ତୁ । କାରଣ ବ୍ୟାଙ୍କଗୁଡ଼ିକ ଏବେ ଏହି ସମ୍ପର୍କିତ ସମସ୍ତ ସୂଚନା ସିଧାସଳଖ ଆୟକର ବିଭାଗକୁ ଜଣାଇବେ। ଏହା ବ୍ୟତୀତ, ଯଦି ଆପଣ ଆନ୍ତର୍ଜାତୀୟ ଯାତ୍ରାରେ ଯଥେଷ୍ଟ ପରିମାଣର ଖର୍ଚ୍ଚ କରନ୍ତି, ତେବେ ସେହି ଖର୍ଚ୍ଚଗୁଡ଼ିକ ମଧ୍ୟ ଏହି ଯାଞ୍ଚ ପ୍ରକ୍ରିୟା ଅଧୀନରେ ରହିବ।

ଏହାସହିତ ଆପଣଙ୍କର ବାର୍ଷିକ ଖର୍ଚ୍ଚ ଆପଣଙ୍କ ଟିକସ ରିଟର୍ଣ୍ଣରେ ଘୋଷଣା କରାଯାଇଥିବା ଆୟଠାରୁ ଯଦି ଯଥେଷ୍ଟ ଅଧିକ ହୁଏ, ତେବେ ଆୟକର ବିଭାଗ ଏହି ପାଣ୍ଠିର ଉତ୍ସ ସମ୍ପର୍କିତ ପ୍ରଶ୍ନ ମଧ୍ୟ ପଚାରିପାରନ୍ତି । ଏପରିକି ଆୟକର ବିଭାଗ ପକ୍ଷରୁ ଆପଣଙ୍କୁ ସରକାରୀ ନୋଟିସ ମଧ୍ୟ ପଠାଯାଇପାରେ |

ଏପ୍ରିଲ ପହିଲାରୁ କ୍ରେଡିଟ୍ କାର୍ଡ ସହିତ ପାନ କାର୍ଡକୁ ଲିଙ୍କ୍ କରିବା ବାଧ୍ୟତାମୂଳକ ହେବ | ବୈଧ ପାନ ନମ୍ବର ବିନା କୌଣସି ବ୍ୟାଙ୍କରୁ ନୂତନ କ୍ରେଡିଟ୍ କାର୍ଡ ଜାରି ହେବ ନାହିଁ। ଏହାସହିତ ପୂର୍ବରୁ ଥିବା କାର୍ଡଧାରୀ ଯେଉଁମାନଙ୍କର ପାନ ସହିତ ଲିଙ୍କ୍ ହୋଇନାହିଁ ସେମାନଙ୍କୁ ମଧ୍ୟ ପାନ କାର୍ଡ ଲିଙ୍କ କରିବାକୁ ପଡିବ | ଯେଉଁଥିରୁ ସ୍ପଷ୍ଟ ହେଉଛି ଯେ, ଆପଣ କରୁଥିବା ପ୍ରତ୍ୟେକ ଖର୍ଚ୍ଚ – ବଡ଼ ହେଉ କିମ୍ବା ଛୋଟ – ଏବେ ଆପଣଙ୍କ ଟିକସ ପ୍ରୋଫାଇଲ୍ ସହିତ ଲିଙ୍କ୍ ହେବ।

ଯଦି ଆପଣଙ୍କର ବିଦ୍ୟୁତ୍ ବିଲ୍ କିମ୍ବା ବାସସ୍ଥାନର ଅନ୍ୟ କୌଣସି ପ୍ରମାଣ ପତ୍ର ନାହିଁ, ତେବେ ଆପଣଙ୍କର କ୍ରେଡିଟ୍ କାର୍ଡ ଷ୍ଟେଟମେଣ୍ଟ ଏବେ ଠିକଣାର ବୈଧ ପ୍ରମାଣ ଭାବରେ କାର୍ଯ୍ୟ କରିପାରିବ। କିନ୍ତୁ ଏବେ ଆପଣଙ୍କୁ ଏକ ନୂତନ ପାନ କାର୍ଡ ପାଇଁ ଆବେଦନ କରିବାକୁ ପଡିବ ନଚେତ ପୂର୍ବରୁ ଥିବା ପ୍ୟାନ୍ କାର୍ଡର ବିବରଣୀକୁ ଅପଡେଟ୍ କରିବାକୁ ପଡିବ |