ଅପ୍ରେଲ ପହିଲାରୁ ବଦଳିବ ନନ୍ଦନକାନନର ସମୟ ନିର୍ଘଣ୍ଟ; ସପ୍ତାହର ପ୍ରତି ସୋମବାର ବନ୍ଦ ରହିବ ଉଭୟ ଉଦ୍ୟାନ
ଭୁବନେଶ୍ୱର, ୩୧|୩: ଅପ୍ରେଲ ପହିଲାରୁ ବଦଳିବ ନନ୍ଦନକାନ କିମ୍ବା ପ୍ରାଣୀ ଉଦ୍ୟାନର ବୁଲିବାର ସମୟ | ନନ୍ଦନକାନନ ପ୍ରାଣୀ ଉଦ୍ୟାନକୁ ରାଜ୍ୟ ତଥା ରାଜ୍ୟ ବାହାରୁ ବୁଲିବାକୁ ଆସୁଥିବା ପର୍ଯ୍ୟଟକଙ୍କ ପାଇଁ ସମୟ ନିର୍ଘଣ୍ଟ ବଦଳିବା ନେଇ ସୂଚନା ରହିଛି । ଅପ୍ରେଲ ପହିଲାରୁ ସକାଳ ୭.୩୦ରୁ ଖୋଲି ସନ୍ଧ୍ୟା ୫.୩୦ଟା ପର୍ଯ୍ୟନ୍ତ ଖୋଲା ରହିବ | ଏନେଇ ନନ୍ଦନକାନନ ଉପନିର୍ଦେଶକଙ୍କ କାର୍ଯ୍ୟାଳୟରୁ ସୂଚନା ମିଳିଛି। ତେବେ ଏହି ନିୟମ ୨୦୨୬ ସେପ୍ଟମ୍ବର ୩୦ ପର୍ଯ୍ୟନ୍ତ ଲାଗୁ ରହିବ। ଏହାସହିତ ପୂର୍ବ ଭଳି ସପ୍ତାହର ପ୍ରତି ସୋମବାର ଉଭୟ ଉଦ୍ୟାନ ବନ୍ଦ ରହିବ।
