ମୁମ୍ବାଇ ଇଣ୍ଡିଆନ୍ସ୍ ଦଳକୁ ମଜବୁତ କରିବେ ହାର୍ଦ୍ଦିକ ପାଣ୍ଡ୍ୟା
ମୁମ୍ବାଇ, 7|4: ଆଜି ଆଇପିଏଲ୍ 2026ରେ ରାଜସ୍ଥାନ ରୋୟାଲସ୍ (RR) ଓ ମୁମ୍ବାଇ ଇଣ୍ଡିଆନ୍ସ୍ (MI) ମଧ୍ୟରେ ଏକ ରୋମାଞ୍ଚକର ମ୍ୟାଚ୍ ଖେଳାଯିବ । ଏହି ମ୍ୟାଚ୍ ଗୁୱାହାଟିର ବର୍ସାପାରା କ୍ରିକେଟ୍ ଷ୍ଟାଡିଅମ୍ରେ ହେବ । ଏଥର ରାଜସ୍ଥାନ ରୋୟାଲସ୍ ଦଳ ଭଲ ଫର୍ମରେ ରହିଛି । ସେମାନେ ଆଗରୁ ଦୁଇଟି ମ୍ୟାଚ୍ ଜିତି ସାରିଛନ୍ତି । ଅନ୍ୟପଟେ, ମୁମ୍ବାଇ ଇଣ୍ଡିଆନ୍ସ୍ ଦଳ ଏଥର ମିଶ୍ର ଫଳାଫଳ ପାଇଛି ଏବଂ ଆଜିର ମ୍ୟାଚ୍ରେ ଭଲରେ ଖେଳି ଯିବାକୁ ସପୂର୍ଣ ଚେଷ୍ଟା କରିବେ । ମ୍ୟାଚ୍ର ମୁଖ୍ୟ ଆକର୍ଷକ ହେଉଛନ୍ତି MI ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଦଳକୁ ଫେରିବା, ଦଳକୁ ଶକ୍ତି ଦେବ ବୋଲି ଆଶା କରାଯାଉଛି ।
ଦୁଇ ଦଳ ମଧ୍ୟରେ ମୁକାବିଲାର ଇତିହାସ ଦେଖିଲେ, ସମୁଦାୟ ୩୧ଟି ମ୍ୟାଚ୍ରୁ MI ୧୬ଟି ଜିତିଛି ଏବଂ RR ୧୪ଟି ଜିତିଛି । ଏଥିରୁ ଏହି ମ୍ୟାଚ୍ ଅତ୍ୟନ୍ତ କଠିନ ହେବ ବୋଲି ଅନୁମାନ କରାଯାଉଛି । ପାଣିପାଗ ଦିଗରୁ ଦେଖିଲେ, ଗୁୱାହାଟିରେ ମେଘାଚ୍ଛନ୍ନ ପରିସ୍ଥିତି ରହିବ ଓ ହାଲୁକା ବର୍ଷାର ସମ୍ଭାବନା ଥିଲେ ମଧ୍ୟ ମ୍ୟାଚ୍ ଉପରେ ବଡ଼ ପ୍ରଭାବ ନ ପଡିପାରେ । ସମସ୍ତ ଦିଗରୁ ଦେଖିଲେ, ଆଜିର RR vs MI ମ୍ୟାଚ୍ ଦୁଇ ଶକ୍ତିଶାଳୀ ଦଳ ମଧ୍ୟରେ ଏକ ରୋମାଞ୍ଚକର ମ୍ୟାଚ୍ ହେବା ନିଶ୍ଚିତ ।
