ବିଜୟ-ସଙ୍ଗୀତା ଛାଡ଼ପତ୍ର ମାମଲା: ଅଗଷ୍ଟ ୭ ପର୍ଯ୍ୟନ୍ତ ଘୁଞ୍ଚିଲା ଶୁଣାଣି
ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ତଥା ଅଭିନେତା ବିଜୟ ଏବଂ ତାଙ୍କ ପତ୍ନୀ ସଙ୍ଗୀତାଙ୍କ ଛାଡ଼ପତ୍ର ମାମଲାର ଶୁଣାଣି ପୁଣିଥରେ ସ୍ଥଗିତ ହୋଇଛି। ସୋମବାର ଚେଙ୍ଗଲପଟ୍ଟୁ ମହିଳା ଅଦାଲତରେ ମାମଲାର ଶୁଣାଣି ହୋଇଥିଲେ ମଧ୍ୟ କୌଣସି ବିଶେଷ ଅଗ୍ରଗତି ହୋଇନଥିଲା।
ସୂଚନା ଅନୁଯାୟୀ, ଅଦାଲତଙ୍କ ପୂର୍ବ ନିର୍ଦ୍ଦେଶ ସତ୍ତ୍ୱେ ବିଜୟ ଓ ସଙ୍ଗୀତା ଶୁଣାଣି ସମୟରେ ଉପସ୍ଥିତ ହୋଇନଥିଲେ। ଫଳରେ ଅଦାଲତ ମାମଲାର ପରବର୍ତ୍ତୀ ଶୁଣାଣିକୁ ଅଗଷ୍ଟ ୭ ତାରିଖ ପର୍ଯ୍ୟନ୍ତ ଘୁଞ୍ଚାଇ ଦେଇଛନ୍ତି।
୨୦୨୬ ତାମିଲନାଡୁ ବିଧାନସଭା ନିର୍ବାଚନ ପୂର୍ବରୁ ଏହି ଛାଡ଼ପତ୍ର ମାମଲାକୁ ନେଇ ଚର୍ଚ୍ଚା ବଢ଼ିଥିଲା। ସଙ୍ଗୀତା ବିବାହ ବିଚ୍ଛେଦ ପାଇଁ ଆବେଦନ କରିଥିବା ପରଠାରୁ ରାଜନୈତିକ ମହଲ ସହ ପ୍ରଶଂସକମାନେ ମଧ୍ୟ ଏହି ମାମଲା ଉପରେ ନଜର ରଖିଛନ୍ତି।
ତେବେ ଉଭୟ ପକ୍ଷରୁ ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ଜାରି କରାଯାଇନଥିବା ବେଳେ, ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୭ରେ ହେବ ବୋଲି ଜଣାପଡ଼ିଛି।
