ନିଟ୍ ପରୀକ୍ଷାକୁ ନେଇ ଟେଲିଗ୍ରାମ୍ ବ୍ୟାନ୍ , ସୋସିଆଲ ମିଡିଆରେ ଚର୍ଚ୍ଚା
ନୂଆଦିଲ୍ଲୀ: ଆଗାମୀ ନିଟ୍ ପୁନଃ ପରୀକ୍ଷାକୁ ନେଇ ସୋସିଆଲ ମିଡିଆରେ ଏକ ଦାବି ଜୋରଦାର ଭାବେ ଭାଇରାଲ ହେଉଛି। ଏହି ଦାବି ଅନୁଯାୟୀ, ପ୍ରଶ୍ନପତ୍ର ଲିକ୍ ଏବଂ ଅସାଧୁ ଉପାୟକୁ ରୋକିବା ପାଇଁ କେନ୍ଦ୍ର ସରକାର ଟେଲିଗ୍ରାମ୍ ଆପ୍କୁ ଅସ୍ଥାୟୀ ଭାବେ ବ୍ୟାନ୍ କରିବା ସହ ଏହାର ମେସେଜ୍-ଏଡିଟିଂ ଫିଚର୍ ଉପରେ କଟକଣା ଲଗାଇଛନ୍ତି।
ଭାଇରାଲ ହେଉଥିବା ସୂଚନାରେ କୁହାଯାଇଛି ଯେ, ନ୍ୟାସନାଲ ଟେଷ୍ଟିଂ ଏଜେନ୍ସି (NTA)ର ସୁପାରିଶ କ୍ରମେ ଏହି ପଦକ୍ଷେପ ନିଆଯାଇଛି। ଏହାସହ ନକଲି ପ୍ରଶ୍ନପତ୍ର ଏବଂ ପେପର୍ ଲିକ୍ ଗୁଜବ ପ୍ରଚାର କରୁଥିବା ଗ୍ୟାଙ୍ଗ୍ମାନଙ୍କ ଉପରେ ରୋକ୍ ଲଗାଇବା ପାଇଁ ମେସେଜ୍ ଏଡିଟିଂ ସୁବିଧାକୁ ବନ୍ଦ କରାଯାଇଥିବା ଦାବି କରାଯାଉଛି।
ତେବେ ଏପର୍ଯ୍ୟନ୍ତ କେନ୍ଦ୍ର ସରକାର, ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟ, NTA କିମ୍ବା ଟେଲିଗ୍ରାମ୍ ପକ୍ଷରୁ ଏଭଳି କୌଣସି ଘୋଷଣା କରାଯାଇନାହିଁ। ତେଣୁ ଏହି ଦାବିର ସତ୍ୟତା ସ୍ୱାଧୀନ ଭାବେ ପ୍ରମାଣିତ ହୋଇନାହିଁ।
ବିଶେଷଜ୍ଞମାନେ ପରୀକ୍ଷାର୍ଥୀ ଓ ଅଭିଭାବକଙ୍କୁ ସୋସିଆଲ ମିଡିଆରେ ପ୍ରଚାରିତ ଅପ୍ରମାଣିତ ଖବର ଉପରେ ବିଶ୍ୱାସ ନକରି ସରକାରୀ ୱେବସାଇଟ୍ ଓ ଅଧିକୃତ ସୂତ୍ରରୁ ସୂଚନା ଯାଞ୍ଚ କରିବାକୁ ପରାମର୍ଶ ଦେଇଛନ୍ତି।
