AC 2-ଟିଅର ଟିକେଟ୍ ଥିଲେ ବି ଟ୍ରେନ୍ ଚଢ଼ିପାରିଲେନି ପରିବାର! ଶିଶୁ ସହ ପ୍ଲାଟଫର୍ମରେ ଅଟକିଗଲେ ଯାତ୍ରୀ
ବିହାରର ପାଟଲିପୁତ୍ର ଜଙ୍କସନରେ ଏକ ଅସୁବିଧାଜନକ ଘଟଣା ସାମ୍ନାକୁ ଆସିଛି। ସୀମାଞ୍ଚଳ ଏକ୍ସପ୍ରେସ୍ (Train No. 12488) ରେ AC 2-ଟିଅରର କନଫର୍ମ ଟିକେଟ୍ ଥିଲେ ମଧ୍ୟ ଜଣେ ଯାତ୍ରୀ ତାଙ୍କ ପତ୍ନୀ ଓ ଏକ ବର୍ଷର ଶିଶୁ ସହ ଟ୍ରେନ୍ରେ ଚଢ଼ିପାରିନଥିବା ଅଭିଯୋଗ କରିଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ X ରେ ରାହୁଲ କୁମାର ପାଣ୍ଡେ ନାମକ ବ୍ୟକ୍ତି ଏକ ଭିଡିଓ ସେୟାର କରି ଦାବି କରିଛନ୍ତି ଯେ, ଶତାଧିକ ଛାତ୍ର ଟ୍ରେନ୍ର ପ୍ରବେଶ ଦ୍ୱାର ଦଖଲ କରି ରଖିଥିଲେ। A2 କୋଚ୍ର ଦ୍ୱାର ଖୋଲାଯାଇନଥିଲା ଏବଂ ପ୍ଲାଟଫର୍ମରେ ସମ୍ପୂର୍ଣ୍ଣ ବିଶୃଙ୍ଖଳା ଦେଖାଯାଇଥିଲା।
ଯାତ୍ରୀଙ୍କ ଅଭିଯୋଗ ଅନୁଯାୟୀ, ସେମାନେ ଏକ ବର୍ଷର ଶିଶୁ ସହ ଯାତ୍ରା କରୁଥିଲେ ଏବଂ ସମଗ୍ର ଘଟଣା ସମୟରେ ଶିଶୁଟି କାନ୍ଦୁଥିଲା। ତଥାପି RPF କିମ୍ବା ରେଳ କର୍ମଚାରୀଙ୍କ ପକ୍ଷରୁ କୌଣସି ପ୍ରଭାବଶାଳୀ ସହାୟତା ମିଳିନଥିବା ସେ କହିଛନ୍ତି।
ଭିଡିଓଟି ଭାଇରାଲ ହେବା ପରେ ରେଳବାଇ ପକ୍ଷରୁ ଘଟଣାକୁ ନେଇ ପ୍ରତିକ୍ରିୟା ଆସିଛି। ଏହି ଘଟଣା ପୁଣିଥରେ ପ୍ରଶ୍ନ ଉଠାଇଛି ଯେ, କନଫର୍ମ ଟିକେଟ୍ ଥିଲେ ମଧ୍ୟ ଯଦି ଯାତ୍ରୀ ଟ୍ରେନ୍ରେ ଚଢ଼ିପାରୁନାହାନ୍ତି, ତେବେ ଯାତ୍ରୀ ସୁରକ୍ଷା ଓ ଭିଡ଼ ନିୟନ୍ତ୍ରଣ ବ୍ୟବସ୍ଥା କେତେ ପ୍ରଭାବଶାଳୀ?
