ଭିଏତନାମ୍ ସ୍ପିଡବୋଟ୍ ଦୁର୍ଘଟଣା: ୧୫ ଭାରତୀୟଙ୍କ ମୃତ୍ୟୁ ପରେ ବୋଟ୍ କ୍ୟାପ୍ଟେନ୍ ଗିରଫ
ଭିଏତନାମର ଫୁ କ୍ୱୋକ୍ ଦ୍ୱୀପ ନିକଟରେ ସ୍ପିଡବୋଟ୍ ବୁଡ଼ି ୧୫ ଜଣ ଭାରତୀୟ ପର୍ଯ୍ୟଟକଙ୍କ ମୃତ୍ୟୁ ଘଟଣାରେ ପୋଲିସ ବୋଟ୍ର କ୍ୟାପ୍ଟେନ୍ଙ୍କୁ ଗିରଫ କରିଛି। ଜୁଲାଇ ୧୧ରେ ଘଟିଥିବା ଏହି ଦୁର୍ଘଟଣା ସମୟରେ ସ୍ପିଡବୋଟ୍ରେ ୩୨ ଜଣ ଭାରତୀୟ ପର୍ଯ୍ୟଟକ, ୩ ଜଣ ଭିଏତନାମୀ କ୍ରୁ ସଦସ୍ୟ ଏବଂ ଜଣେ ଟୁର୍ ଗାଇଡ୍ ଥିଲେ। ମାୟ ରୁଟ୍ ନଗୋଆଇ ଦ୍ୱୀପ ନିକଟରେ ଉତ୍ତାଳ ସମୁଦ୍ର ମଧ୍ୟରେ ବୋଟ୍ଟି ଓଲଟି ପଡ଼ିଥିଲା।
ଦୁର୍ଘଟଣା ପରେ ବ୍ୟାପକ ଉଦ୍ଧାର କାର୍ଯ୍ୟ ଚାଲିଥିଲା। ଅନେକ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲେ ମଧ୍ୟ ୧୫ ଜଣ ଭାରତୀୟ ପ୍ରାଣ ହରାଇଥିଲେ। ଏହି ଘଟଣା ପରେ ଭିଏତନାମ ସରକାର ଦୁର୍ଘଟଣାର କାରଣ ଜାଣିବା ପାଇଁ ତଦନ୍ତ ଆରମ୍ଭ କରିଥିବା ବେଳେ ରବିବାର ବୋଟ୍ର କ୍ୟାପ୍ଟେନ୍ଙ୍କୁ ଗିରଫ କରାଯାଇଛି।
ପ୍ରାଥମିକ ତଦନ୍ତରେ ଉତ୍ତାଳ ସମୁଦ୍ର ଓ ପ୍ରତିକୂଳ ପାଗକୁ ଦୁର୍ଘଟଣାର ଏକ ପ୍ରମୁଖ କାରଣ ବୋଲି କୁହାଯାଉଥିଲେ ମଧ୍ୟ, ସୁରକ୍ଷା ନିୟମ ପାଳନ, ବୋଟ୍ ପରିଚାଳନାରେ ଅବହେଳା ଏବଂ କ୍ୟାପ୍ଟେନ୍ଙ୍କ ଭୂମିକାକୁ ନେଇ ପୋଲିସ ତଦନ୍ତ ଜାରି ରଖିଛି।
