କିଏ CJP ମୁଖପାତ୍ର ସୌରଭ ଦାସ? ଜାଣନ୍ତୁ ତାଙ୍କ ଶିକ୍ଷାଗତ ଯୋଗ୍ୟତା ଓ ପେସାଦାର ପୃଷ୍ଠଭୂମି
NEET ପ୍ରଶ୍ନପତ୍ର ଲିକ୍ ବିରୋଧୀ ଆନ୍ଦୋଳନ ମାଧ୍ୟମରେ ଦେଶବ୍ୟାପୀ ଚର୍ଚ୍ଚାରେ ଆସିଥିବା କକରୋଚ୍ ଜନତା ପାର୍ଟି (CJP)ର ମୁଖପାତ୍ର ସୌରଭ ଦାସ ଜଣେ ସ୍ୱାଧୀନ ଅନୁସନ୍ଧାନମୂଳକ ସାମ୍ବାଦିକ। CJP ଗଠନ ପରେ ଦିଲ୍ଲୀର ଜନ୍ତର ମନ୍ତରରେ NEET ପ୍ରଶ୍ନପତ୍ର ଲିକ୍ ଏବଂ ଅନ୍ୟାନ୍ୟ ଛାତ୍ର ସମସ୍ୟାକୁ ନେଇ ଆନ୍ଦୋଳନ ଆରମ୍ଭ ହେବା ସମୟରେ ସେ ଦଳର ମୁଖପାତ୍ର ଭାବେ ଯୋଗ ଦେଇଥିଲେ। CJPର ପ୍ରତିଷ୍ଠାତା ଅଭିଜିତ ଦିପକେ Boston Universityରୁ ପବ୍ଲିକ୍ ରିଲେସନ୍ସରେ ସ୍ନାତକୋତ୍ତର କରିଥିବା ବେଳେ, ଦଳର ଅଧିକାଂଶ ସଦସ୍ୟ ଯୁବପିଢ଼ିର।
ସୌରଭ ଦାସଙ୍କ LinkedIn ପ୍ରୋଫାଇଲ୍ ଅନୁଯାୟୀ, ସେ ନୂଆଦିଲ୍ଲୀରେ ଆଧାରିତ ଜଣେ ଫ୍ରିଲାନ୍ସ ଇନଭେଷ୍ଟିଗେଟିଭ୍ ଜର୍ଣ୍ଣାଲିଷ୍ଟ ଏବଂ Climate Action Frontର ସହ-ପ୍ରତିଷ୍ଠାତା। ସେ ମୁଖ୍ୟତଃ ଆଇନ, ଶାସନ ବ୍ୟବସ୍ଥା, ନ୍ୟାୟପାଳିକା, ଅପରାଧ ଓ ସ୍ୱଚ୍ଛତା ଭଳି ବିଷୟରେ ରିପୋର୍ଟ କରନ୍ତି। ୨୦୨୦ରେ ସାମ୍ବାଦିକତା ଆରମ୍ଭ କରିବା ପୂର୍ବରୁ ସେ ଏକ ଗଣମାଧ୍ୟମ ସଂସ୍ଥାରେ ଇଣ୍ଟର୍ନସିପ୍ କରିଥିଲେ ଏବଂ ପରେ Media Monks ଓ Content Associatesରେ କାମ କରିଥିଲେ। ପରବର୍ତ୍ତୀ ସମୟରେ ସେ ସ୍ୱାଧୀନ ସାମ୍ବାଦିକ ଭାବେ କାର୍ଯ୍ୟ କରୁଛନ୍ତି।
ତାଙ୍କ LinkedIn ପ୍ରୋଫାଇଲ୍ରେ ଆହୁରି ଉଲ୍ଲେଖ ରହିଛି ଯେ, ସେ ସୂଚନା ଅଧିକାର ଆଇନ (RTI) ସମ୍ବନ୍ଧୀୟ ବିଷୟରେ ସକ୍ରିୟ ଭାବେ କାମ କରିଛନ୍ତି ଏବଂ ବର୍ତ୍ତମାନ “Complicit Silence: The Court’s Role in India’s Quiet Suffering” ନାମକ ଏକ ପୁସ୍ତକ ଲେଖୁଛନ୍ତି। ଏହି ପୁସ୍ତକର ବିବରଣୀରେ ଭାରତୀୟ ନ୍ୟାୟପାଳିକା ଓ ବର୍ତ୍ତମାନର ରାଜନୈତିକ ବ୍ୟବସ୍ଥା ସମ୍ପର୍କରେ ତାଙ୍କ ବ୍ୟକ୍ତିଗତ ମତ ଓ ସମାଲୋଚନା ପ୍ରତିଫଳିତ ହୋଇଛି।
