ରାଜସ୍ଥାନରେ ମହିଳାଙ୍କୁ ପେଟ୍ରୋଲ ଢାଳି ଜାଳିଦେଲା ନୃଶଂସ ସ୍ୱାମୀ! ଚିକିତ୍ସା ପାଇଁ ନେବା ବାଟରେ ମୃତ୍ୟୁ
ରାଜସ୍ଥାନ: ରାଜସ୍ଥାନର ଶ୍ରୀଗଙ୍ଗାନଗର ଜିଲ୍ଲାରେ ଜଣେ ମହିଳାଙ୍କୁ ପେଟ୍ରୋଲ ଢାଳି ଜାଳିଦେବା ଅଭିଯୋଗ ହୋଇଛି। ପୁଲିସ ଅନୁସାରେ, ୩୫ ବର୍ଷୀୟା ପୂଜାଙ୍କ ଶରୀରର ୮୦ ପ୍ରତିଶତରୁ ଅଧିକ ପୋଡ଼ିଯାଇଥିଲା। ବିକାନେରର ପିବିଏମ୍ ହସ୍ପିଟାଲକୁ ନେବା ସମୟରେ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା।
ପୁଲିସ କହିଛି, ସୋମବାର ରାତି ପ୍ରାୟ ୨ଟା ୩୦ରେ ଘଟଣା ଘଟିଥିଲା। ପାରିବାରିକ ବିବାଦ କାରଣରୁ ପୂଜା ପ୍ରାୟ ୩ ମାସ ହେଲା ବାପାମାଆଙ୍କ ଘରେ ରହୁଥିଲେ। ଅଭିଯୋଗ ଅନୁସାରେ, ତାଙ୍କ ସ୍ୱାମୀ ସୁଲତାନ ରାମ ଛାତ ଦେଇ ଘରେ ପଶି ପୂଜା ଶୋଇଥିବା କୋଠରୀକୁ ଯାଇ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ। ଘଟଣା ପରେ ସେ ମୋଟରସାଇକେଲରେ ଫେରାର ହୋଇଥିବା ଅଭିଯୋଗ ହୋଇଛି।
ଏହି ଘଟଣାରେ ସୁଲତାନ ରାମ ମଧ୍ୟ ଆହତ ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ପୂଜାଙ୍କ ପରିବାର ପକ୍ଷରୁ ଅଭିଯୋଗ ପରେ ପୁଲିସ ମାମଲା ରୁଜୁ କରିଛି। ଘଟଣାସ୍ଥଳରୁ ୫ ଲିଟର ପେଟ୍ରୋଲ କ୍ୟାନ୍ ଜବତ କରାଯାଇଛି। ପୂଜାଙ୍କ ମୃତ୍ୟୁ ପରେ ମାମଲାକୁ ହତ୍ୟା ମାମଲାରେ ପରିଣତ କରି ତଦନ୍ତ କରାଯିବ ବୋଲି ପୁଲିସ କହିଛି।
