ଘଣ୍ଟିଗୁଡା ଗ୍ରାମୀଣ ଉଦ୍ୟାନ ଭିତ୍ତିପ୍ରସ୍ତର ସ୍ଥାପନ ଓ ମାଲପଡା ମନ୍ଦିର କମ୍ୟୁନିଟି ହଲ ଉଦଘାଟନ କଲେ ଧର୍ମଗଡ ବିଧାୟକ।

ସନତ କୁମାର ପ୍ରାଧନୀ

କଳାହାଣ୍ଡି,୨୯/୦୮
କଳାହାଣ୍ଡି ଜିଲ୍ଲା କୋକସରା ବ୍ଲକ ମହିମା ପଞ୍ଚାୟତ ସାହାଜଖୋଲ ପାଦଦେଶରେ ଥିବା ଘଣ୍ଟିଗୁଡା ଗ୍ରାମ ନିକଟରେ ରାଜ୍ୟ ସରକାରଙ୍କ ଅନୁଦାନ ରୁ ନିର୍ମାଣ ହେବାକୁ ଥିବା ଗ୍ରାମଣ ଉଦ୍ୟାନ ଭିତ୍ତି ପ୍ରସ୍ତର ସ୍ଥାପନ ଶୁକ୍ରବାର ଧର୍ମଗଡ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ ଙ୍କ କର କମଳ ରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ କୋକସରା ବିଡ଼ିଓ ଡ଼. ହିମାଞ୍ଚଳ ମାଝୀ ଙ୍କ ସଭାପତିତ୍ୱ ରେ ମୁଖ୍ୟ ଅତିଥି ଭାବେ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ,ସମ୍ମାନିତ ଅତିଥି ଭାବେ ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ, ଆମପାଣି ମଣ୍ଡଳ ସଭାପତି ମଧୁବନ ପାତ୍ର, ଜିଲ୍ଲା ଆଦିବାସୀ ଜନଜାତି ମୋର୍ଚ୍ଚା ସଭାପତି ତ୍ରିନାଥ ଶବର,ମହିମା ସରପଞ୍ଚ ଇଶରାମ କୋଲଥିଆ,ସମିତି ସଭ୍ୟ ଘନଶ୍ୟାମ ନାଏକ,ଟେମରା ସରପଞ୍ଚ କ୍ଷିତିରାମ ପାତ୍ର, ଡୁଡୁକାଠେଙ୍ଗା ସରପଞ୍ଚ ହରିପ୍ରିୟା ନାଗ ପ୍ରମୁଖ ଉପସ୍ଥିତ ରହି ଗ୍ରାମୀଣ ପାର୍କ ନିର୍ମାଣ ହେଲେ ପର୍ଯ୍ୟଟନ ସ୍ଥଳୀ କୁ ଆସୁଥିବା ପର୍ଯ୍ୟଟକ ଙ୍କ ସମେତ ଗ୍ରାମଣ ଅଞ୍ଚଳ ର ଜନ ସାଧାରଣ ଙ୍କ ବିନୋଦନ ପାଇଁ ସହାୟକ ହେବ ବୋଲି କହିଥିଲେ।
ସେହିପରି ମହିମା ପଞ୍ଚାୟତ ମାଲପଡା ଗ୍ରାମ ର ଅଧିଷ୍ଠାତ୍ରୀ ଦେବୀ ମା ପେଡ୍ରାଣୀ ଙ୍କ ମନ୍ଦିର ପରିସରରେ ନବ ନିର୍ମିତ କମ୍ୟୁନିଟି ହଲ ର ଉଦଘାଟନ କରିଥିଲେ। ଏହି ଅବସରରେ ମନ୍ଦିର ପରିଚାଳନା କମିଟିର ସଭାପତି ଗରୁଡଧ୍ଵଜ ମାଝୀ,ପରିଚାଳନା କମିଟି ଓ ଗ୍ରାମବାସୀ ଙ୍କ ପକ୍ଷରୁ ଧର୍ମଗଡ ବିଧାୟକ ଙ୍କୁ ସମ୍ବର୍ଦ୍ଧନା ସହ କୃତଜ୍ଞତା ଜଣାଇଥିଲେ। ବିଧାୟକ ଶ୍ରୀ ପଟ୍ଟଯୋଶୀ ଙ୍କ ସମେତ ଉପସ୍ଥିତ ଅତିଥିମାନେ ମନ୍ଦିର କୁ ଦୂର ଦୁରନ୍ତ ରୁ ଆସୁଥିବା ଶ୍ରଦ୍ଧାଳୁ ଙ୍କ ପାଇଁ ଏହି କମ୍ୟୁନିଟି ହଲ ନିର୍ମାଣ ଫଳରେ ସେମାନଙ୍କ ରହିବା ଓ ଆରାମ ପାଇଁ ସହାୟକ ହେବ ବୋଲି କହିଥିଲେ।
ଏହି ଅବସରରେ ବିଜେପି ଆମପାଣି ମଣ୍ଡଳ ଉପ ସଭାପତି ଭଜମନ ନାଏକ,ଜିଲ୍ଲା ପ୍ରତିନିଧି ଅର୍ଜୁନ ଭାଟି,ଏସସି ମୋର୍ଚ୍ଚା ସଭାପତି ରଘୁମଣି ଖମାରି,ଚକ୍ରଧର ବେଶ୍ରା, ନକୁଳ ନାଏକ ମହିଳା ନେତ୍ରୀ ପ୍ରାଞ୍ଜଳି ପ୍ରଧାନ,ଧରିତ୍ରୀ ବାଗ, ସବିତା ମାଝୀ ସମେତ ସ୍ଥାନୀୟ ଘଣ୍ଟିଗୁଡା ଓ ମାଲପଡା ଅଞ୍ଚଳର ଗ୍ରାମବାସୀ ମାନେ ଉପସ୍ଥିତ ଥିଲେ।
(ଫୋଟୋ ସ୍ଥାନିତ କରିବେ)