ସୌମିତ୍ରି ମେହେର7/06/2023 at 9:42 AM
ବୀରମହାରାଜପୁର : ବାଲେଶ୍ବର ଜିଲ୍ଲା ବାହାନାଗାରେ ଘଟିଯାଇଥିବା ରେଳ ଦୁର୍ଘଟଣାରେ ଗୁରୁତର ଆହତ ହୋଇଥିବା ଯାତ୍ରୀ ମାନଙ୍କୁ ରକ୍ତର ଅଭାବ ଦୂର କରିବା ଉଦ୍ଦେଶ୍ୟରେ ସୋନପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ସ୍ଥିତ କଲ୍ୟାଣ ମଣ୍ଡପ ଠାରେ ଓଡିଶା ମୋ ପରିବାର ଓ ସ୍ବେଛାସେବୀ ଅନୁଷ୍ଟାନ ଓ୍ବାଇ ଏସ ଏ ର ମିଳିତ ସହଯୋଗରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ଓ୍ବାଇ ଏସ ଏ ର ସଭାପତି ତଥା ସୁବଲୟା ମହାବିଦ୍ୟାଲୟ ଅଧକ୍ଷ ଭୋଲାନାଥ କର୍ମି ଙ୍କ ଅଧକ୍ଷତା ରେ ବୀରମହାରାଜପୁର ଜୋନ ୨ ଜିଲ୍ଲାପରିଷଦ ସଭ୍ୟା ଚନ୍ଦ୍ରକାନ୍ତି ଦନ୍ତା, ସୁବଲୟା ସରପଞ୍ଚ ପ୍ରମୋଦ ମହାପାତ୍ର ,ଓଡିଶା ମୋ ପରିବାର ର ଜିଲ୍ଲା ସଂଯୋଜକ ରଞ୍ଜିତ ରଥ ପ୍ରମୁଖ ଅତିଥି ଭାବେ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ଶିବିର ରେ ମୋଟ ୫୦ ୟୁନିଟ ରକ୍ତ ସଂଗ୍ରହ ହୋଇଥିଲା। ସମସ୍ତ ରକ୍ତଦାତା ଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଛି । ପ୍ରାରମ୍ଭରେ ରେଳ ଦୁର୍ଘଟଣାରେ ମୃତ୍ୟୁ ବରଣ କରିଥିବା ରେଳଯାତ୍ରୀ ଙ୍କ ଆତ୍ମାର ସଦଗତି ପାଇଁ ନିରବ ପ୍ରାର୍ଥନା କରାଯାଇ ଥିଲା। ଶିବିର ଆୟୋଜନରେ ଓ୍ବାଇ ଏସ ଏ ର ସମ୍ପାଦକ ସଞ୍ଜିବ କୁମାର ମେହେର, ଦିଲ୍ଲିପ ମେହେର, କ୍ଷିରସିନ୍ଧୁ ମେହେର, କିଶୋର ମେହେର ପ୍ରମୁଖ ସହଯୋଗ କରିଥିଲେ । ସୋନପୁର ବ୍ଲଡ ବ୍ୟାଙ୍କ କର୍ମଚାରୀ ରକ୍ତ ସଂଗ୍ରହରେ ସହଯୋଗ କରିଥିଲେ l