ITBP Mountaineering: ୬,୭୫୯ ମିଟର ଉଚ୍ଚ ମାଉଣ୍ଟ ରିଓ ପରଗିଲ ଜିତିଲେ ହିମବୀର, ସଫଳ ହେଲା ‘ପର୍ବତ ସଂକଳ୍ପ’ ଅଭିଯାନ

ଓଡ଼ିଶା ଡଟ୍ ନ୍ୟୁଜ୍

ନୂଆଦିଲ୍ଲୀ: ଇଣ୍ଡୋ-ତିବ୍ବତ ସୀମା ପୁଲିସ (ଆଇଟିବିପି)ର ନର୍ଦର୍ନ ଫ୍ରଣ୍ଟିୟର ଟିମ୍ ହିମାଚଳ ପ୍ରଦେଶର ସର୍ବୋଚ୍ଚ ଶିଖର ମାଉଣ୍ଟ ରିଓ ପରଗିଲକୁ ସଫଳତାର ସହ ଆରୋହଣ କରିଛି। ୬,୭୫୯ ମିଟର ଉଚ୍ଚ ଏହି ଶିଖରରେ ଆଇଟିବିପିର ହିମବୀରମାନେ ପହଞ୍ଚିଛନ୍ତି। ‘ପର୍ବତ ସଂକଳ୍ପ’ ଅଭିଯାନ ଅଧୀନରେ ଏହି ସଫଳତା ହାସଲ କରାଯାଇଛି।

ଅଭିଯାନ ସମୟରେ ଦଳକୁ ଅତ୍ୟନ୍ତ ଖରାପ ପାଗ ଓ କଠିନ ପାହାଡ଼ିଆ ପରିସ୍ଥିତିର ସାମ୍ନା କରିବାକୁ ପଡ଼ିଥିଲା। ଉଚ୍ଚତା ବୃଦ୍ଧି ସହ ତାପମାତ୍ରା, ବରଫ ଓ ଦୁର୍ଗମ ରାସ୍ତା ଅଭିଯାନକୁ ଅଧିକ ଚ୍ୟାଲେଞ୍ଜିଂ କରିଥିଲା। ଏସବୁ ପ୍ରତିକୂଳ ପରିସ୍ଥିତି ମଧ୍ୟରେ ଟିମ୍ ସଦସ୍ୟମାନେ ସମନ୍ୱୟ ରକ୍ଷା କରି ଅଭିଯାନକୁ ଆଗକୁ ନେଇଥିଲେ।

ଏହି ସଫଳତା ଅଭିଯାନରେ ସାହସ, ଧୈର୍ଯ୍ୟ ଓ ଦଳଗତ କାର୍ଯ୍ୟର ଉଦାହରଣ ସୃଷ୍ଟି କରିଛି। କଠିନ ପାହାଡ଼ିଆ ପରିବେଶ ଓ ଖରାପ ପାଗକୁ ମୁକାବିଲା କରି ଶିଖରରେ ପହଞ୍ଚିବା ଆଇଟିବିପି ଯବାନଙ୍କ ପ୍ରଶିକ୍ଷଣ ଓ ଅଭିଯାନୀ କ୍ଷମତାକୁ ଦର୍ଶାଇଛି। ‘ପର୍ବତ ସଂକଳ୍ପ’ ଅଭିଯାନର ଏହି ସଫଳତାକୁ ନେଇ ଆଇଟିବିପି ଦଳରେ ଉତ୍ସାହ ପ୍ରକାଶ ପାଇଛି।