DUSU Election: ଭୋଟିଂ ପରେ କଲେଜ ବାହାରେ ଝାଡ଼ୁ ଧରିଲେ ବିଜେପି ନେତା, ନିଜେ ଉଠାଇଲେ ଅଳିଆ
ନୂଆଦିଲ୍ଲୀ: ଡୁସୁ ନିର୍ବାଚନର ଭୋଟିଂ ଶେଷ ହେବା ପରେ ଦିଲ୍ଲୀର ସତ୍ୟବତୀ କଲେଜ ବାହାରେ ବିଜେପିର ଜାତୀୟ ସଚିବ ଜୟ ପ୍ରକାଶ ଭିନ୍ନ ଅନ୍ଦାଜରେ ନଜର ଆସିଥିଲେ। ଭୋଟିଂ ପରେ କଲେଜ ବାହାରେ ପଡ଼ିଥିବା ଅଳିଆ ଆବର୍ଜନା ମଧ୍ୟରେ ସେ ନିଜେ ସଫେଇ କରିବା ସହ କଚରା ଉଠାଉଥିବା ଦେଖିବାକୁ ମିଳିଛି।
ଏହି ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ଭିଡିଓରେ ଜୟ ପ୍ରକାଶ କଲେଜ ବାହାରେ ନିଜେ ସଫେଇ କରୁଥିବା ଏବଂ ରାସ୍ତାରେ ପଡ଼ିଥିବା କଚରା ଉଠାଉଥିବା ଦେଖାଯାଇଛି। ଭୋଟିଂ ପରେ ପରିସର ବାହାରେ ଜମା ହୋଇଥିବା ଆବର୍ଜନାକୁ ସଫା କରିବାରେ ସେ ନିଜେ ଅଂଶଗ୍ରହଣ କରିଥିଲେ।
ସଫେଇ କରିବା ସମୟରେ ଜୟ ପ୍ରକାଶ ସ୍ୱଚ୍ଛତାର ବାର୍ତ୍ତା ଦେଇଥିବା ଜଣାପଡ଼ିଛି। ଡୁସୁ ନିର୍ବାଚନର ଭୋଟିଂ ପରେ କଲେଜ ବାହାରେ ଅଳିଆ ପଡ଼ିଥିବା ମଧ୍ୟରେ ତାଙ୍କର ଏଭଳି ପଦକ୍ଷେପ ଏବେ ଚର୍ଚ୍ଚାରେ ରହିଛି।
