Delhi Traffic Police: ଟ୍ରାଫିକ୍ ନିୟମ ଭାଙ୍ଗିବା ପଡ଼ିଲା ମହଙ୍ଗା , ସପ୍ତାହକରେ ୧୩ ହଜାରରୁ ଅଧିକ ଚାଲାଣ
ନୂଆଦିଲ୍ଲୀ: ଦିଲ୍ଲୀରେ ଟ୍ରାଫିକ୍ ନିୟମ ଉଲ୍ଲଂଘନକାରୀଙ୍କ ବିରୋଧରେ ପୁଲିସର ଅଭିଯାନ ଜୋରଦାର ହୋଇଛି। ସେଣ୍ଟ୍ରାଲ୍ ଓ ନର୍ଦର୍ଣ୍ଣ ରେଞ୍ଜରେ ସେପ୍ଟେମ୍ବର ୧୪ରୁ ୨୦ ତାରିଖ ପର୍ଯ୍ୟନ୍ତ ଚାଲିଥିବା ବିଶେଷ ଅଭିଯାନରେ ବିଭିନ୍ନ ଟ୍ରାଫିକ୍ ନିୟମ ଭାଙ୍ଗିଥିବା ଗାଡ଼ି ଚାଳକଙ୍କ ବିରୋଧରେ ୧୩ ହଜାରରୁ ଅଧିକ ଚାଲାଣ କଟାଯାଇଛି। ରାସ୍ତାରେ ଯାତାୟାତକୁ ସୁଗମ କରିବା ଏବଂ ସଡ଼କ ସୁରକ୍ଷା ବଢ଼ାଇବା ଉଦ୍ଦେଶ୍ୟରେ ଏହି ଅଭିଯାନ ଚାଲିଥିଲା।
ବିଶେଷ ଅଭିଯାନ ସମୟରେ ଭୁଲ୍ ପାର୍କିଂ ଓ ରାସ୍ତା କଡ଼ରେ ଅନୁଚିତ ଭାବେ ଗାଡ଼ି ରଖିବା ବିରୋଧରେ ମଧ୍ୟ କଡ଼ା ପଦକ୍ଷେପ ନିଆଯାଇଛି। ସେଣ୍ଟ୍ରାଲ୍ ରେଞ୍ଜରେ ସେପ୍ଟେମ୍ବର ୧୪ରୁ ୨୦ ମଧ୍ୟରେ ଭୁଲ୍ ପାର୍କିଂ ସମ୍ପର୍କିତ ୫,୬୪୪ଟି ଚାଲାଣ କଟାଯାଇଥିବା ରିପୋର୍ଟ ହୋଇଛି। ନର୍ଦର୍ଣ୍ଣ ରେଞ୍ଜରେ ମଧ୍ୟ ସଡ଼କ ସୁରକ୍ଷା ଓ ନିୟମ ପାଳନ ନେଇ ବିଶେଷ ଯାଞ୍ଚ କରାଯାଇଥିଲା।
ଦିଲ୍ଲୀ ଟ୍ରାଫିକ୍ ପୁଲିସ ପକ୍ଷରୁ ନିୟମିତ ଭାବେ ବିଭିନ୍ନ ଅଞ୍ଚଳରେ ବିଶେଷ ଯାଞ୍ଚ ଓ ଅଭିଯାନ ଚାଲୁ ରହିଛି। ଭୁଲ୍ ପାର୍କିଂ, ହେଲମେଟ୍ ନ ପିନ୍ଧିବା, ନିର୍ଦ୍ଧାରିତ ନିୟମ ଉଲ୍ଲଂଘନ ଭଳି ମାମଲାରେ ଚାଲାଣ କାଟିବା ସହ ଗାଡ଼ି ଚାଳକଙ୍କୁ ସଡ଼କ ସୁରକ୍ଷା ନିୟମ ପାଳନ ପାଇଁ ସଚେତନ କରାଯାଉଛି। ଟ୍ରାଫିକ୍ ପୁଲିସର ଅଧିକାରିକ ୱେବସାଇଟ୍ରେ ଚାଲାଣ ଦେୟ ଓ ଅନ୍ୟାନ୍ୟ ଟ୍ରାଫିକ୍ ସେବା ମଧ୍ୟ ଉପଲବ୍ଧ ରହିଛି।
