Central Government Salary: କେନ୍ଦ୍ରୀୟ କର୍ମଚାରୀଙ୍କୁ ୨୫ ସେପ୍ଟେମ୍ବରରେ ମିଳିପାରେ ଆଗୁଆ ଦରମା, ଜାଣନ୍ତୁ କାହିଁକି…
ନୂଆଦିଲ୍ଲୀ: କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀଙ୍କ ପାଇଁ ଆସିଛି ବଡ଼ ଅପଡେଟ୍। କେନ୍ଦ୍ର ସରକାର ସେପ୍ଟେମ୍ବର ୨୦୨୬ର ଦରମା, ଏବଂ ପେନସନ୍ ୨୫ ସେପ୍ଟେମ୍ବର, ଶୁକ୍ରବାର ଆଗୁଆ ଭାବେ ପ୍ରଦାନ କରିବାକୁ ଅନୁମତି ଦେଇଛନ୍ତି। ଅର୍ଥ ମନ୍ତ୍ରଣାଳୟ ଅଧୀନ Controller General of Accountsଙ୍କ ଅଫିସ୍ ମେମୋରାଣ୍ଡମ୍ ଅନୁଯାୟୀ, ଏହି ବ୍ୟବସ୍ଥାରେ ଡିଫେନ୍ସ, ଡାକ ଓ ଦୂରସଞ୍ଚାର ସମେତ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀ ସାମିଲ ଅଛନ୍ତି। ତେବେ ଏହି ଟଙ୍କାକୁ ‘ଆଡଭାନ୍ସ ପେମେଣ୍ଟ’ ଭାବେ ଧରାଯିବ। ମାସ ଶେଷରେ ପ୍ରକୃତ ଦରମା କିମ୍ବା ପେନସନ୍ ହିସାବ ହେବା ପରେ କୌଣସି ଆଡଜଷ୍ଟମେଣ୍ଟ ଦରକାର ହେଲେ, ତାହା ଅକ୍ଟୋବର ୨୦୨୬ର ଦରମା କିମ୍ବା ମଜୁରୀରେ କରାଯିବ।
Central Government Salary ଆଗୁଆ ଦେବାର ପ୍ରମୁଖ କାରଣ ହେଉଛି ୨୮ରୁ ୩୦ ସେପ୍ଟେମ୍ବର ପର୍ଯ୍ୟନ୍ତ ପ୍ରସ୍ତାବିତ ତିନିଦିନିଆ ସର୍ବଭାରତୀୟ ବ୍ୟାଙ୍କ ଧର୍ମଘଟ। ଏହି ଧର୍ମଘଟ ଯୋଗୁଁ ବ୍ୟାଙ୍କିଂ କାରବାରରେ ବାଧା ସୃଷ୍ଟି ହେବାର ଆଶଙ୍କା ରହିଛି। ୟୁନାଇଟେଡ୍ ଫୋରମ୍ ଅଫ୍ ବ୍ୟାଙ୍କ ୟୁନିୟନ୍ସ (UFBU) ସପ୍ତାହକୁ ୫ ଦିନିଆ ବ୍ୟାଙ୍କିଂ ବ୍ୟବସ୍ଥା ସମେତ ଦାବିକୁ ନେଇ ଏହି ଧର୍ମଘଟ ଡାକରା ଦେଇଛି। ଧର୍ମଘଟ ପୂର୍ବରୁ ସାଧାରଣ ଲୋକଙ୍କ ବ୍ୟାଙ୍କିଂ ଆବଶ୍ୟକତାକୁ ସୁବିଧା ଦେବା ପାଇଁ ୨୭ ସେପ୍ଟେମ୍ବର ରବିବାର ଦିନ ସମସ୍ତ ସରକାରୀ ବ୍ୟାଙ୍କ ଓ Regional Rural Banksକୁ ସାଧାରଣ ଭାବେ ଚାଲୁ ରଖିବାକୁ ସରକାର ପଦକ୍ଷେପ ନେଇଛନ୍ତି। RBI ମଧ୍ୟ ସେହି ଦିନ ବ୍ୟାଙ୍କ ଶାଖା, ଅଫିସ୍, ATM-link ଶାଖା ଏବଂ Currency Chest ଖୋଲା ରଖିବାକୁ ଅନୁମତି ଦେଇଛି।
ଧର୍ମଘଟ ହେଲେ ୨୮ରୁ ୩୦ ସେପ୍ଟେମ୍ବର ମଧ୍ୟରେ ବ୍ୟାଙ୍କ ଶାଖାର ନଗଦ ଜମା-ଉଠାଣ, ଚେକ୍ କ୍ଲିୟରିଂ ଏବଂ ଅନ୍ୟାନ୍ୟ ଶାଖାଭିତ୍ତିକ ସେବା ପ୍ରଭାବିତ ହୋଇପାରେ। ତେଣୁ ସରକାର ଦରମା ଓ ପେନସନ୍ ଭଳି ଦେୟଗୁଡ଼ିକୁ ଧର୍ମଘଟ ପୂର୍ବରୁ ପ୍ରକ୍ରିୟା କରିବାକୁ ଅନୁମତି ଦେଇଛି। ତେବେ ଏହି ଆଗୁଆ ପେମେଣ୍ଟ ସମସ୍ତ କର୍ମଚାରୀଙ୍କ ପାଇଁ ସାଧାରଣ ମାସିକ ଦରମା ତାରିଖର ସ୍ଥାୟୀ ପରିବର୍ତ୍ତନ ନୁହେଁ; ଏହା ସେପ୍ଟେମ୍ବର ୨୦୨୬ର ବ୍ୟାଙ୍କ ଧର୍ମଘଟ ପରିସ୍ଥିତିକୁ ଦୃଷ୍ଟିରେ ରଖି ନିଆଯାଇଥିବା ବିଶେଷ ବ୍ୟବସ୍ଥା।
