Lucknow Agra Expressway Accident: ଦ୍ରୁତଗତିରେ ଯାଉଥିବା କାର୍ ଓଲଟି ୩ ମୃତ, ୨ ଗୁରୁତର
ଲକ୍ଷ୍ନୌ: ଲକ୍ଷ୍ନୌ-ଆଗ୍ରା ଏକ୍ସପ୍ରେସୱେରେ ଶନିବାର ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଆହତ ହୋଇଛନ୍ତି। ଦିଲ୍ଲୀରୁ ବଲିଆ ଯାଉଥିବା ଏକ କାର୍ ଡୌକି ଥାନା ଅଞ୍ଚଳରେ ସକାଳ ପ୍ରାୟ ୭ଟା ୩୦ରେ ନିୟନ୍ତ୍ରଣ ହରାଇ ଓଲଟି ପଡ଼ିଥିଲା। କାର୍ରେ ଥିବା ସମସ୍ତ ୫ ଜଣ ଦିଲ୍ଲୀର ବାସିନ୍ଦା ବୋଲି ପୁଲିସ କହିଛି।
ପୁଲିସ ଅନୁଯାୟୀ, ଗାଡ଼ିଟି ପ୍ରାୟ ୧୪୦ କିଲୋମିଟର ପ୍ରତି ଘଣ୍ଟା ବେଗରେ ଯାଉଥିବା ବେଳେ ଚାଳକ ନିୟନ୍ତ୍ରଣ ହରାଇଥିଲେ। ଫଳରେ କାର୍ଟି ଓଲଟି ପଡ଼ିଥିଲା। ମୃତକମାନଙ୍କୁ ଜୟପ୍ରକାଶ (୩୨), ଭୂପେନ୍ଦ୍ର (୩୫) ଓ କପିଲ (୩୧) ଭାବେ ଚିହ୍ନଟ କରାଯାଇଛି। ଆହତ ଦୁଇଜଣ ହେଲେ କାର୍ ଚାଳକ ଯଶବନ୍ତ (୩୩) ଏବଂ ତାଙ୍କ ପାଖରେ ବସିଥିବା ଚନ୍ଦ୍ରକାନ୍ତ (୩୫)।
ଦୁର୍ଘଟଣା ପରେ ଆହତ ଦୁଇଜଣଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲକୁ ପଠାଯାଇଛି। ମୃତ ୩ ଜଣଙ୍କ ମୃତଦେହକୁ ପୋଷ୍ଟମର୍ଟମ୍ ପାଇଁ ପଠାଯାଇଥିବା ପୁଲିସ କହିଛି। ଘଟଣା ସମ୍ପର୍କରେ ମୃତକ ଓ ଆହତଙ୍କ ପରିବାରକୁ ସୂଚନା ଦିଆଯାଇଛି। ଦୁର୍ଘଟଣାର ପରିସ୍ଥିତି ନେଇ ପୁଲିସ ତଦନ୍ତ ଜାରି ରଖିଛି ।
