Heavy Rain Alert: ନେପାଳରୁ ଓଡ଼ିଶା ଯାଏଁ ବର୍ଷା-ବନ୍ୟାର ପ୍ରଭାବ, ନେପାଳରେ ୨୧ ମୃତ; ୟୁପିରେ ୫୬ ଜୀବନ ଗଲା
ନୂଆଦିଲ୍ଲୀ: ନେପାଳରୁ ଆରମ୍ଭ କରି ଉତ୍ତରପ୍ରଦେଶ, ଉତ୍ତରାଖଣ୍ଡ, ଓଡ଼ିଶା ଓ ଥାଇଲାଣ୍ଡ ପର୍ଯ୍ୟନ୍ତ ବର୍ଷା, ବନ୍ୟା ଓ ଭୂସ୍ଖଳନର ପ୍ରଭାବ ଦେଖାଦେଇଛି। ଲଗାତାର ବର୍ଷା ଯୋଗୁଁ ବିଭିନ୍ନ ସ୍ଥାନରେ ଜନଜୀବନ ପ୍ରଭାବିତ ହୋଇଥିବା ବେଳେ କେତେକ ଅଞ୍ଚଳରେ ବନ୍ୟା ଓ ଭୂସ୍ଖଳନ ଯୋଗୁଁ କ୍ଷୟକ୍ଷତି ହୋଇଛି। ନେପାଳରେ ବର୍ଷାଜନିତ ବିଭିନ୍ନ ଘଟଣାରେ ଗତ କିଛି ଦିନ ମଧ୍ୟରେ ୨୧ ଜଣଙ୍କ ମୃତ୍ୟୁ ହୋଇଥିବା ଖବର ମିଳିଛି।
ନେପାଳର ମନାଙ୍ଗ ଜିଲ୍ଲାରେ ହିମସ୍ଖଳନ ଯୋଗୁଁ ମଧ୍ୟ ଅଘଟଣ ଘଟିଛି। ହିମସ୍ଖଳନରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ଜଣ ନିଖୋଜ ଥିବା ସୂଚନା ମିଳିଛି। ଖରାପ ପାଣିପାଗ ଓ ପ୍ରାକୃତିକ ବିପର୍ଯ୍ୟୟ ଯୋଗୁଁ ନେପାଳର ବିଭିନ୍ନ ଅଞ୍ଚଳରେ ଉଦ୍ଧାର ଓ ରିଲିଫ୍ କାର୍ଯ୍ୟ ଜାରି ରହିଛି।
ସେହିପରି ଉତ୍ତରପ୍ରଦେଶରେ ମଧ୍ୟ ଲଗାତାର ବର୍ଷା ଓ ଝଡ଼ତୋଫାନ ଯୋଗୁଁ ସ୍ଥିତି ଗମ୍ଭୀର ହୋଇଛି। ଗତ ୩ ଦିନ ମଧ୍ୟରେ ବର୍ଷା ଓ ଆନୁଷଙ୍ଗିକ ଘଟଣାରେ ୫୬ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ରାଜ୍ୟର ବିଭିନ୍ନ ଜିଲ୍ଲାରେ ନଦୀଗୁଡ଼ିକର ଜଳସ୍ତର ବଢ଼ିବା ସହ ବନ୍ୟା ପରିସ୍ଥିତି ଦେଖାଦେଇଛି। ଏହା ସହ ଉତ୍ତରାଖଣ୍ଡ, ଓଡ଼ିଶା ଓ ଥାଇଲାଣ୍ଡର ବିଭିନ୍ନ ଅଞ୍ଚଳରେ ମଧ୍ୟ ପ୍ରବଳ ବର୍ଷାର ପ୍ରଭାବ ଦେଖିବାକୁ ମିଳୁଛି।
