Divya Mittal Politics: ସ୍ୱାଧୀନ ଭାବେ ରାଜନୀତିରେ ପାଦ ଥାପିଲେ ପୂର୍ବତନ IAS ଅଧିକାରୀ, ଉତ୍ତରପ୍ରଦେଶରୁ ଆରମ୍ଭ କରିବେ ରାଜନୀତିର ଯାତ୍ରା
ଉତ୍ତରପ୍ରଦେଶ: ପୂର୍ବତନ IAS ଅଧିକାରୀ ଦିବ୍ୟା ମିତ୍ତଲ ସ୍ୱାଧୀନ ଭାବେ ରାଜନୀତିରେ ପ୍ରବେଶ କରିବା ନେଇ ଘୋଷଣା କରିଛନ୍ତି। ସେ ଉତ୍ତରପ୍ରଦେଶରୁ ନିଜର ରାଜନୈତିକ ଯାତ୍ରା ଆରମ୍ଭ କରିବେ ବୋଲି କହିଛନ୍ତି। ସାଧାରଣ ଲୋକଙ୍କ ସମସ୍ୟାକୁ ରାଜନୀତିର କେନ୍ଦ୍ରରେ ରଖି କାମ କରିବା ତାଙ୍କ ଉଦ୍ଦେଶ୍ୟ ବୋଲି ଦିବ୍ୟା ମିତ୍ତଲ କହିଛନ୍ତି।
୧୩ ବର୍ଷ ଧରି IAS ଭାବେ କାର୍ଯ୍ୟ କରିବା ପରେ ସେ ଅଗଷ୍ଟ ୩୦ରେ ଭାରତୀୟ ପ୍ରଶାସନିକ ସେବାରୁ ଇସ୍ତଫା ଦେଇଥିଲେ। ପ୍ରଶାସନିକ ସେବାରେ ରହିବା ସମୟର ଅଭିଜ୍ଞତା ପରେ ଏବେ ସେ ସିଧାସଳଖ ରାଜନୀତି ମାଧ୍ୟମରେ ଲୋକଙ୍କ ସହ ଜଡ଼ିତ ପ୍ରସଙ୍ଗ ଉଠାଇବାକୁ ଚାହୁଁଥିବା କହିଛନ୍ତି।
ଦିବ୍ୟା ମିତ୍ତଲ କହିଛନ୍ତି ଯେ, ଦେଶର ଭବିଷ୍ୟତକୁ ନେଇ ଚିନ୍ତିତ ଥିବା ଏକ ମଞ୍ଚ ଗଢ଼ିବା ତାଙ୍କ ଲକ୍ଷ୍ୟ। ଏହି ମଞ୍ଚ ମାଧ୍ୟମରେ ସାଧାରଣ ନାଗରିକଙ୍କ ସମସ୍ୟା ଓ ଆବଶ୍ୟକତାକୁ ଗୁରୁତ୍ୱ ଦେବା ଉପରେ ସେ ଜୋର ଦେଇଛନ୍ତି। ତେବେ ଆଗାମୀ ଦିନରେ ତାଙ୍କ ରାଜନୈତିକ ଯୋଜନା ଓ କାର୍ଯ୍ୟକ୍ରମ କ’ଣ ରହିବ, ତାହା ସ୍ପଷ୍ଟ ହେବ।
