Premanand Maharaj: ଶିଷ୍ୟଙ୍କ ମୃତ୍ୟୁ ପରେ ବଦଳିଲା ଆଶ୍ରମ ବ୍ୟବସ୍ଥା, ଅନିର୍ଦ୍ଦିଷ୍ଟ ସମୟ ପାଇଁ ଦୀକ୍ଷା ଓ ଟୋକନ୍ ଦର୍ଶନ ବନ୍ଦ
ଉତ୍ତରପ୍ରଦେଶ: ମଥୁରା-ବୃନ୍ଦାବନର ପ୍ରସିଦ୍ଧ ସନ୍ଥ ପ୍ରେମାନନ୍ଦ ମହାରାଜଙ୍କ ଆଶ୍ରମରେ ଜଣେ ଶିଷ୍ୟଙ୍କ ମୃତ୍ୟୁ ପରେ ଆଶ୍ରମର ବ୍ୟବସ୍ଥାରେ କିଛି ବଡ଼ ପରିବର୍ତ୍ତନ କରାଯାଇଛି। କେଲି କୁଞ୍ଜ ଆଶ୍ରମରେ ଦୀକ୍ଷା ପ୍ରଦାନ କାର୍ଯ୍ୟକ୍ରମକୁ ଅନିର୍ଦ୍ଦିଷ୍ଟ ସମୟ ପାଇଁ ବନ୍ଦ କରାଯାଇଛି। ଏଥିସହ ଟୋକନ୍ ମାଧ୍ୟମରେ ହେଉଥିବା ଦର୍ଶନ ବ୍ୟବସ୍ଥା ମଧ୍ୟ ବନ୍ଦ ରହିବ ବୋଲି ଜଣାପଡ଼ିଛି।
ସେହିପରି, ଯମୁନା ବିହାର କୁଞ୍ଜ ବେଲବନସ୍ଥିତ ଆଶ୍ରମରେ ଦୀକ୍ଷିତ ଭକ୍ତଙ୍କ ପାଇଁ ରହିଥିବା ଦର୍ଶନ ବ୍ୟବସ୍ଥାକୁ ମଧ୍ୟ ବନ୍ଦ କରାଯାଇଛି। ଆଶ୍ରମରେ ସେବା ଦେଉଥିବା ସେବାଦାରମାନେ ଭକ୍ତଙ୍କୁ ଏହି ପରିବର୍ତ୍ତନ ସମ୍ପର୍କରେ ସୂଚନା ଦେଇଛନ୍ତି। ଏନେଇ ଆଶ୍ରମ ପକ୍ଷରୁ ଏକ ସୂଚନା ମଧ୍ୟ ଜାରି ହୋଇଥିବା ଜଣାପଡ଼ିଛି।
ଏହାର ଅର୍ଥ, ବର୍ତ୍ତମାନ ଆଶ୍ରମକୁ ଯାଉଥିବା ଭକ୍ତଙ୍କ ପାଇଁ ପୂର୍ବଭଳି ଦର୍ଶନ ଓ ଦୀକ୍ଷା ବ୍ୟବସ୍ଥା ଉପଲବ୍ଧ ହେବ ନାହିଁ। ଆଶ୍ରମ ପକ୍ଷରୁ ପରବର୍ତ୍ତୀ ସୂଚନା ନ ଆସିବା ପର୍ଯ୍ୟନ୍ତ ଏହି ପରିବର୍ତ୍ତିତ ବ୍ୟବସ୍ଥା ଜାରି ରହିବ ବୋଲି ସୂଚନାରୁ ଜଣାପଡ଼ିଛି।
