Maharashtra Accident: ଦୁର୍ଗା ପ୍ରତିମା ନେଇ ଯାଉଥିବା ପିକଅପ୍କୁ ଟ୍ରକ୍ ଧକ୍କା, ୭ ମୃତ
ମହାରାଷ୍ଟ୍ର: ମହାରାଷ୍ଟ୍ରର ଅମରାବତୀ ଜିଲ୍ଲାର ସମୃଦ୍ଧି ମହାମାର୍ଗରେ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଧାମଣଗାଁ ରେଲୱେ ନିକଟ ଚ୍ୟାନେଲ୍ ନମ୍ବର ୯୭ରେ ଟ୍ରକ୍ ଓ ଏକ ବୋଲେରୋ ପିକଅପ୍ ମଧ୍ୟରେ ଜୋରଦାର ଧକ୍କା ହୋଇଛି। ପିକଅପ୍ରେ ଥିବା ଲୋକମାନେ ବୁଲଢାଣା ଜିଲ୍ଲାର ଶେଗାଓଁରୁ ଦୁର୍ଗା ପ୍ରତିମା ନେଇ ବର୍ଧା ଅଭିମୁଖେ ଯାଉଥିଲେ।
ସୂଚନା ଅନୁସାରେ, ଗୁରୁବାର ରାତି ପ୍ରାୟ ୧୨ଟା ୪୫ରେ ଏହି ଦୁର୍ଘଟଣା ଘଟିଥିଲା। ଧକ୍କା ଏତେ ଭୟଙ୍କର ଥିଲା ଯେ ପିକଅପ୍ ଗାଡ଼ିଟି ଗୁରୁତର ଭାବେ କ୍ଷତିଗ୍ରସ୍ତ ହୋଇଥିଲା। ପ୍ରାଥମିକ ରିପୋର୍ଟ ଅନୁସାରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୧୯ରୁ ୨୧ ଜଣ ଆହତ ହୋଇଥିବା ଭିନ୍ନ ରିପୋର୍ଟରେ କୁହାଯାଇଛି। କିଛି ଆହତଙ୍କ ଅବସ୍ଥା ଗୁରୁତର ଥିବା ମଧ୍ୟ ଜଣାପଡ଼ିଛି।
ଦୁର୍ଘଟଣା ପରେ ପୋଲିସ ଓ ସ୍ଥାନୀୟ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାର କରିଥିଲେ। ପ୍ରଥମେ ସେମାନଙ୍କୁ ଧାମଣଗାଁ ଗ୍ରାମୀଣ ହସ୍ପିଟାଲ୍କୁ ନିଆଯାଇଥିଲା ଏବଂ ପରେ ଗୁରୁତର ଆହତଙ୍କୁ ବର୍ଧାର ମେଡିକାଲ୍ କଲେଜ୍କୁ ପଠାଯାଇଥିବା ରିପୋର୍ଟ ଆସିଛି। ଦୁର୍ଘଟଣାର କାରଣ ନେଇ ପୋଲିସ ତଦନ୍ତ ଜାରି ରଖିଛି।
