Tamil Nadu Free Bus Scheme: ବସ୍ରେ ଯାତ୍ରୀଙ୍କ ସହ ମୁଖ୍ୟମନ୍ତ୍ରୀ ବିଜୟ, ମହିଳାଙ୍କୁ ନିଜେ ବାଣ୍ଟିଲେ ଟିକେଟ୍
ତାମିଲନାଡୁ: ତାମିଲନାଡୁର ମୁଖ୍ୟମନ୍ତ୍ରୀ ବିଜୟ ‘Vettri Payanam Thittam’ ନାମକ ମାଗଣା ବସ୍ ଯାତ୍ରା ଯୋଜନାର ଶୁଭାରମ୍ଭ ପରେ ଚେନ୍ନାଇରେ ବସ୍ରେ ଯାତ୍ରା କରିଥିଲେ। ଏହି ଯୋଜନା ଅଧୀନରେ ତାମିଲନାଡୁର ମହିଳା ଓ ଟ୍ରାନ୍ସଜେଣ୍ଡର ବ୍ୟକ୍ତିମାନେ ମାଗଣାରେ ବସ୍ ଯାତ୍ରା କରିପାରିବେ। ଯାତ୍ରା ସମୟରେ ବିଜୟ ଯାତ୍ରୀମାନଙ୍କ ସହ ଆଲୋଚନା କରିବା ସହ ମହିଳା ଯାତ୍ରୀଙ୍କୁ ନିଜେ ଟିକେଟ୍ ବାଣ୍ଟିଥିଲେ।
ମୁଖ୍ୟମନ୍ତ୍ରୀଙ୍କ ଏହି ବସ୍ ଯାତ୍ରା ସମୟରେ ଯାତ୍ରୀଙ୍କ ସହ ତାଙ୍କର ସ୍ୱାଭାବିକ ଆଲୋଚନାର ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା। ଯୋଜନାର ଶୁଭାରମ୍ଭ ପରେ ସେ ସାଧାରଣ ଯାତ୍ରୀଙ୍କ ସହ ଯାତ୍ରା କରି ମାଗଣା ଯାତ୍ରା ସୁବିଧା ସମ୍ପର୍କରେ ଅନୁଭବ ନେଇଥିଲେ।
ଏହି ସମୟରେ ଆଉ ଏକ ଖୁସିର ମୁହୂର୍ତ୍ତ ଦେଖିବାକୁ ମିଳିଥିଲା। କିଛି କଲେଜ ଛାତ୍ରଛାତ୍ରୀ ମୁଖ୍ୟମନ୍ତ୍ରୀ ବିଜୟଙ୍କୁ Dairy Milk ଚକୋଲେଟ୍ ଦେଇଥିଲେ। ମାଗଣା ବସ୍ ଯାତ୍ରା ଯୋଜନାର ଶୁଭାରମ୍ଭ ପରେ ବିଜୟଙ୍କ ଏହି ବସ୍ ଯାତ୍ରାର ଦୃଶ୍ୟ ସୋସିଆଲ ମିଡିଆରେ ମଧ୍ୟ ଚର୍ଚ୍ଚାରେ ରହିଛି।
