Rakul Preet Singh Clarification: ବିଦେଶୀ ଟଙ୍କା ଦେବାନେବା ରିପୋର୍ଟକୁ ନେଇ ରାକୁଲଙ୍କ ସଫେଇ, କହିଲେ- ଏହା ‘ମିଥ୍ୟା ଓ କଳ୍ପନାଜନିତ’
ମୁମ୍ବାଇ: ବେଆଇନ ଭାବେ ବିଦେଶକୁ ଟଙ୍କା ପଠାଇବା ଏବଂ ବିଦେଶୀ ରେମିଟାନ୍ସ ସହ ଲିଙ୍କ୍ ଥିବା ରିପୋର୍ଟକୁ ନେଇ ଅଭିନେତ୍ରୀ ରାକୁଲ ପ୍ରୀତ ସିଂହ ସ୍ପଷ୍ଟୀକରଣ ଦେଇଛନ୍ତି। ତାଙ୍କୁ ନେଇ ପ୍ରକାଶିତ ଖବରକୁ ସେ ‘ମିଥ୍ୟା’ ଓ ‘କଳ୍ପନାଜନିତ’ ବୋଲି କହିଛନ୍ତି। ରାକୁଲଙ୍କ ଅନୁସାରେ, ଯେଉଁ ସର୍ଚ୍ଚ ଅପରେସନ୍କୁ ତାଙ୍କ ସହ ଯୋଡ଼ି ରିପୋର୍ଟ ପ୍ରକାଶ କରାଯାଇଛି, ତାହା ତାଙ୍କ ସହ ସମ୍ପର୍କିତ ନୁହେଁ।
ରାକୁଲ କହିଛନ୍ତି ଯେ, ବେଆଇନ ବିଦେଶୀ ରେମିଟାନ୍ସ, ବେନାମୀ ସମ୍ପତ୍ତି କିମ୍ବା ଘୋଷଣା ନକରାଯାଇଥିବା ଉପହାର ସହ ତାଙ୍କର କୌଣସି ସମ୍ପୃକ୍ତି ନାହିଁ। ତାଙ୍କ ନାମକୁ ଏପରି ମାମଲା ସହ ଯୋଡ଼ି ଖବର ପ୍ରକାଶ କରାଯିବାରେ ସେ ଆପତ୍ତି ଜଣାଇଛନ୍ତି। ଏହି ରିପୋର୍ଟଗୁଡ଼ିକ ଯୋଗୁଁ ତାଙ୍କ ବିଷୟରେ ଭୁଲ ଧାରଣା ସୃଷ୍ଟି ହେଉଥିବା ତାଙ୍କ ବକ୍ତବ୍ୟରୁ ଜଣାପଡ଼ିଛି।
ଏହାସହ ଯେଉଁମାନେ ଏହି ଖବର ପ୍ରକାଶ କରିଛନ୍ତି, ସେମାନେ ରିପୋର୍ଟକୁ ପ୍ରତ୍ୟାହାର କରିବା ସହ ତଥ୍ୟ ସ୍ପଷ୍ଟ କରନ୍ତୁ ବୋଲି ରାକୁଲ ଅନୁରୋଧ କରିଛନ୍ତି। ତାଙ୍କ ବକ୍ତବ୍ୟରେ ସେ ନିଜ ନାମକୁ ବେଆଇନ ବିଦେଶୀ ଟଙ୍କା ଲେଣଦେଣ କିମ୍ବା ଅନ୍ୟ ଅଘୋଷିତ ସମ୍ପତ୍ତି ସମ୍ବନ୍ଧୀୟ ମାମଲା ସହ ଯୋଡ଼ାଯିବାକୁ ଖଣ୍ଡନ କରିଛନ୍ତି।
