Adani Skills and Education: କଚ୍ଛ ୟୁନିଭର୍ସିଟିରେ Green Energy Centre of Excellence ଉଦ୍ଘାଟିତ, ପ୍ରତିବର୍ଷ ୧୦,୦୦୦ରୁ ଅଧିକ ଛାତ୍ରଙ୍କୁ ମିଳିବ ଟ୍ରେନିଂ ସୁଯୋଗ
ଗୁଜରାଟ: ଆଦାନୀ ଗ୍ରୁପ୍ର ସ୍କିଲିଂ ଓ କ୍ଷମତା ବିକାଶ ବିଭାଗ Adani Skills and Education (ASE) ପକ୍ଷରୁ ଗୁଜରାଟର ଭୁଜସ୍ଥିତ କଚ୍ଛ ୟୁନିଭର୍ସିଟିରେ ଗ୍ରୀନ୍ ଏନର୍ଜି ପାଇଁ ଏକ Centre of Excellence (CoE) ଆରମ୍ଭ କରାଯାଇଛି। ରବିବାର ଗୁଜରାଟର ରାଜ୍ୟପାଳ ଆଚାର୍ଯ୍ୟ ଦେବବ୍ରତ ଏହି କେନ୍ଦ୍ରର ଉଦ୍ଘାଟନ କରିଛନ୍ତି। ଭାରତରେ ଦ୍ରୁତଗତିରେ ବଢ଼ୁଥିବା ନବୀକରଣୀୟ ଶକ୍ତି କ୍ଷେତ୍ର ପାଇଁ ଦକ୍ଷ ମାନବସମ୍ବଳ ପ୍ରସ୍ତୁତ କରିବା ଏହି ପଦକ୍ଷେପର ମୁଖ୍ୟ ଲକ୍ଷ୍ୟ ରହିଛି |
ଏହି Centre of Excellenceରେ ନବୀକରଣୀୟ ଶକ୍ତି ପ୍ରଯୁକ୍ତି ଏବଂ ଇଣ୍ଡଷ୍ଟ୍ରିଆଲ୍ ଅଟୋମେସନ୍ ସମ୍ପର୍କିତ ବିଶେଷ ପ୍ରଶିକ୍ଷଣ ଦିଆଯିବ। ଏହା ମାଧ୍ୟମରେ ପ୍ରତିବର୍ଷ ୧୦ ହଜାରରୁ ଅଧିକ ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ ଦେବାର ଲକ୍ଷ୍ୟ ରହିଛି। ଗ୍ରୀନ୍ ଏନର୍ଜି କ୍ଷେତ୍ରରେ ଆବଶ୍ୟକ ଟେକ୍ନିକାଲ୍ ଦକ୍ଷତା ବିକାଶ କରିବା ସହ ଶିଳ୍ପ କ୍ଷେତ୍ରର ଆବଶ୍ୟକତା ଅନୁଯାୟୀ ଯୁବପିଢ଼ିଙ୍କୁ ପ୍ରସ୍ତୁତ କରିବା ଉପରେ ଗୁରୁତ୍ୱ ଦିଆଯିବ।
ସୂଚନା ଅନୁସାରେ, କ୍ଲିନ୍ ଏନର୍ଜି କ୍ଷେତ୍ରରେ ଦକ୍ଷ କର୍ମଚାରୀଙ୍କ ଚାହିଦା ଦ୍ରୁତ ବଢ଼ୁଛି। ଆଦାନୀ ଗ୍ରୁପ୍ର ତଥ୍ୟ ଅନୁଯାୟୀ, ଗତ ଦୁଇ ବର୍ଷ ମଧ୍ୟରେ ଗୁଜରାଟର କଚ୍ଛ ଜିଲ୍ଲାରେ ଏହାର ଗ୍ରୀନ୍ ଏନର୍ଜି କାର୍ଯ୍ୟକଳାପ ମାଧ୍ୟମରେ ୨୧ ହଜାରରୁ ଅଧିକ ପ୍ରତ୍ୟକ୍ଷ ଓ ପରୋକ୍ଷ ଚାକିରି ସୃଷ୍ଟି ହୋଇଛି। ନବୀକରଣୀୟ ଶକ୍ତି ଭିତ୍ତିଭୂମିର ନିର୍ମାଣ, ପରିଚାଳନା ଓ ରକ୍ଷଣାବେକ୍ଷଣ ପାଇଁ ଆବଶ୍ୟକ ଦକ୍ଷ ପେସାଦାର ସୃଷ୍ଟିରେ ଏହି କେନ୍ଦ୍ର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ ।
