Greater Noida Lift Incident: ଲିଫ୍ଟରେ ଫସିଲେ ଶିଶୁଙ୍କ ସମେତ ୧୩ ଜଣ, ପ୍ରାୟ ୨୦ ମିନିଟ୍ ପରେ ହେଲେ ଉଦ୍ଧାର
ନୋଏଡା: ଗ୍ରେଟର ନୋଏଡା ୱେଷ୍ଟର ଅଜନାରା ହୋମ୍ସ ସୋସାଇଟିରେ ଲିଫ୍ଟ ଅଚଳ ହୋଇଯିବାରୁ ଶିଶୁଙ୍କ ସମେତ ୧୩ ଜଣ ଲୋକ ପ୍ରାୟ ୨୦ ମିନିଟ୍ ଧରି ଭିତରେ ଫସି ରହିଥିଲେ। ହଠାତ୍ ଲିଫ୍ଟ ଅଟକିଯିବା ପରେ ଭିତରେ ଥିବା ଲୋକମାନେ ଚିନ୍ତାରେ ପଡ଼ିଥିଲେ। ଘଟଣାକୁ ନେଇ ସୋସାଇଟିରେ ଲିଫ୍ଟ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି।
ଅଭିଯୋଗ ଅନୁସାରେ, ଲିଫ୍ଟ ଭିତରେ ଫସିଥିବା ଲୋକମାନେ ଇଣ୍ଟରକମ୍ ଏବଂ ସିକ୍ୟୁରିଟି ଆଲାର୍ମ ମାଧ୍ୟମରେ ସହାୟତା ମାଗିଥିଲେ। ତେବେ ତୁରନ୍ତ ସହାୟତା ମିଳିନଥିବା ଅଭିଯୋଗ ହୋଇଛି। ପରେ ଲିଫ୍ଟ ଭିତରୁ ଶିଶୁମାନଙ୍କ କାନ୍ଦିବା ଶବ୍ଦ ଶୁଣି ସୁରକ୍ଷାକର୍ମୀଙ୍କୁ ଏନେଇ ସୂଚନା ଦିଆଯାଇଥିଲା।
ସୂଚନା ପାଇବା ପରେ ସୁରକ୍ଷାକର୍ମୀ ଓ ମେଣ୍ଟେନାନ୍ସ ଟିମ୍ ଘଟଣାସ୍ଥଳରେ ପହଞ୍ଚି ଲିଫ୍ଟ ଭିତରେ ଫସିଥିବା ସମସ୍ତ ୧୩ ଜଣଙ୍କୁ ବାହାରକୁ ଆଣିଥିଲେ। ପ୍ରାୟ ୨୦ ମିନିଟ୍ ପରେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ଜଣାପଡ଼ିଛି। ଘଟଣା ପରେ ଲିଫ୍ଟର ରକ୍ଷଣାବେକ୍ଷଣ ଓ ଜରୁରୀକାଳୀନ ସହାୟତା ବ୍ୟବସ୍ଥାକୁ ନେଇ ଚର୍ଚ୍ଚା ଆରମ୍ଭ ହୋଇଛି।
