Karl Deisseroth: ନୋବେଲ୍ ପୁରସ୍କାର ଜିତିବା ପରେ ବି ଛାଡ଼ିଲେନି ଘର କାମ, ପିଲାଙ୍କ ପାଇଁ ପ୍ରସ୍ତୁତ କଲେ ଲଞ୍ଚ
ନୂଆଦିଲ୍ଲୀ: ମସ୍ତିଷ୍କ ବିଜ୍ଞାନରେ ବଡ଼ ସଫଳତା ପାଇଁ ନୋବେଲ୍ ପୁରସ୍କାର ଜିତିଥିଲେ ମଧ୍ୟ ଦୈନନ୍ଦିନ ପାରିବାରିକ ଦାୟିତ୍ୱରୁ ଦୂରେଇ ଯାଇନାହାନ୍ତି କାଲିଫର୍ଣ୍ଣିଆର ବୈଜ୍ଞାନିକ ଡା. କାର୍ଲ ଡିସେରୋଥ୍। ନୋବେଲ୍ ପୁରସ୍କାର ଘୋଷଣା ପରେ ରାତି ଅଧରେ ତାଙ୍କ ଷ୍ଟାନଫୋର୍ଡସ୍ଥିତ ଘରକୁ ଅଭିନନ୍ଦନ ଫୋନ୍ ଓ ସାମ୍ବାଦିକଙ୍କ ସହ କଥାବାର୍ତ୍ତା ଚାଲିଥିଲା। ଏହାରି ମଧ୍ୟରେ ସେ ନିଜ ଶୋଇଥିବା ପିଲାମାନଙ୍କ ପାଇଁ ସ୍କୁଲ୍ ଲଞ୍ଚ ପ୍ରସ୍ତୁତ କରିଥିଲେ।
୫୪ ବର୍ଷୀୟ ଡା. ଡିସେରୋଥ୍ ମସ୍ତିଷ୍କର ନ୍ୟୁରନ୍କୁ ଆଲୋକ ମାଧ୍ୟମରେ ନିୟନ୍ତ୍ରଣ କରିବାର ବିଜ୍ଞାନ ‘ଅପ୍ଟୋଜେନେଟିକ୍ସ’ କ୍ଷେତ୍ରର ବିକାଶରେ ଗୁରୁତ୍ୱପୂର୍ଣ୍ଣ ଅବଦାନ ରଖିଛନ୍ତି। ଜିନ୍ ଓ ଆଲୋକର ବ୍ୟବହାର କରି ଜୀବନ୍ତ ମସ୍ତିଷ୍କର ନ୍ୟୁରନ୍କୁ ଚାଲୁ କିମ୍ବା ବନ୍ଦ କରିବାର ଉପାୟ ବିକଶିତ କରିବାରେ ଏହି ଗବେଷଣାର ଭୂମିକା ରହିଛି। ଏହି ବୈଜ୍ଞାନିକ ସଫଳତା ପାଇଁ ସେ ଦୁଇଜଣ ଜର୍ମାନ୍ ବୈଜ୍ଞାନିକଙ୍କ ସହ ନୋବେଲ୍ ପୁରସ୍କାରରେ ଭାଗ କରିଛନ୍ତି |
ନୋବେଲ୍ ପୁରସ୍କାର ଭଳି ବିଶ୍ୱସ୍ତରୀୟ ସମ୍ମାନ ପାଇବା ପରେ ମଧ୍ୟ ପିଲାଙ୍କ ପାଇଁ ସକାଳର ଲଞ୍ଚ ପ୍ରସ୍ତୁତ କରିବା ତାଙ୍କ ଜୀବନର ସାଧାରଣ ଦାୟିତ୍ୱ ଭଳି ରହିଥିଲା। ଏହି ଘଟଣା ଦେଖାଇଛି ଯେ, ବିଶ୍ୱର ସର୍ବୋଚ୍ଚ ବୈଜ୍ଞାନିକ ସମ୍ମାନ ମଧ୍ୟରୁ ଗୋଟିଏ ହାସଲ କରିବା ପରେ ମଧ୍ୟ ପରିବାର ପ୍ରତି ଦାୟିତ୍ୱ ତାଙ୍କ ପାଇଁ ସେହିପରି ଗୁରୁତ୍ୱପୂର୍ଣ୍ଣ ରହିଛି।
