ବିଲ ରୁ ନିଆଁ ଲାଗି ବ୍ୟାପିଲା ଚାଳ ଘରକୁ ; ଲକ୍ଷାଧିକ ଟଙ୍କା ର ସମ୍ପତ୍ତି ପୋଡି ଛାରଖାର

ବୀରମହାରାଜପୁର : ସୁବର୍ଣ୍ଣପୁର ଜ଼ିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ନାରାୟଣ ପୁର ଗ୍ରାମରେ ବିଲରେ ନିଆଁ ଲାଗି ଚାହୁଁ ଚାହୁଁ ବ୍ୟାପିଲା ଗ୍ରାମର ମାଗିନିଆ ସାହୁ ଓ ତାଙ୍କ ଭଉଣୀ ଙ୍କ ଚାଳ ଘରକୁ l ନିଆଲlଗି ଦୁଇ ବଖରା ଘର ସମ୍ପୂର୍ଣ୍ଣ ପୋଡି ଭଶ୍ମିଭୁତ ହୋଇ ଯାଇ ଥିବା ଜଣା ପଡିଛି l ସୂଚନା ମତେ କୌଣସି ଦୁର୍ବୁତ୍ତ ନାରାୟଣ ପୁର ଗ୍ରାମର ଚାଷ ଜମିରେ ନିଆଁ ଲଗାଇ ଦେଇଥିଲା l ଫଳରେ ଦିନ ଗୋଟାଏ ରେ ପ୍ରବଳ ଖରା ଓ ଝାଂଜି ପବନରେ ନିଆଁ ଗାଁ ମୁହାଁ ହୋଇ ମଗାନିଆ ସାହୁ ଓ ତାଙ୍କ ଭଉଣୀ ଙ୍କ ଘରେ ନିଆଁ ଲାଗି ଯାଇଥିଲା l ନିଆଁ ଲାଗିବାରୁ ଗାଁ ଲୋକ ନିଆଁ କୁ ଆୟତ୍ତ କରିବାକୁ ବହୁତ ଚେଷ୍ଟା ପରେ ବିଫଳ ହେବାରୁ ଅଗ୍ନିଶମ ବିଭାଗ କୁ ଖବର ଦିଆଯାଇଥିଲା। ଖବର ପାଇ ବୀରମହାରାଜପୁର ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା l ହେଲେ ଏହି ଘର ପୋଡିରେ ଗରିବ ଚାଷୀ ମାଗିନିଆ ସାହୁ ଓ ତାଙ୍କ ଭଉଣୀ ଙ୍କ ଧାନ, ଚାଉଳ, ମୁଗ, କଂସା ବାସନ ଓ ଲୁଗାପଟା, ସାଇକେଲ ସହ ଲକ୍ଷାଧିକ୍ ଟଙ୍କାର ଘର କରନା ଆସବା ପତ୍ର, ଜିନିଷ ପତ୍ର ସବୁ ପୋଡି ନଷ୍ଟ ହୋଇ ଯାଇଥିଲl l ଚାଷୀ ମାଗିନିଆ ଜଣେ କ୍ଷୁଦ୍ର ଚାଷୀ ହୋଇଥିବାରୁ ଘର ର ସମସ୍ତ ଜିନିଷ ପତ୍ର ପୋଡି ଯାଇ ଥିବା ଦେଖି ଭାଙ୍ଗି ପଡିଛନ୍ତି l ଏଣୁ ଏତେ ବଡ଼ ଖରା ରେ ତାଙ୍କ ପରିବାର ରହିବା ପାଇଁ ଜରିପାଲ ଓ ଖାଇବା କୁ ସାହାଯ୍ୟ ଯୋଗାଇ ଦେବା ସହ ରହିବା ଶୋଇବା ପାଇଁ ଘର ଖଣ୍ଡିଏ ଯୋଗାଇ ଦେବାକୁ ପ୍ରଶାସନ ପାଖରେ ଗ୍ରାମବାସୀ ଦାବୀ କରନ୍ତି ।‌ ପରେ ଖବର ପାଇ ରାଜସ୍ୱ ବିଭାଗ ଘଟଣା ସ୍ଥଳରେ ପହଞ୍ଚି କ୍ଷୟକ୍ଷତି ଆକଳନ କରିଥିବା ବେଳେ ସ୍ଥାନୀୟ ସରପଞ୍ଚ ମଧ୍ୟ ସଙ୍ଗେ ସଙ୍ଗେ ଶୁଖିଲା ଖାଦ୍ୟ ସହ କିଛି ଆର୍ଥିକ ସହାୟତା ଯୋଗାଇ ଦେଇଥିବା ଜଣାଯାଇଛି।