CJP Leaders Release: Saurav Das ଓ Ashutosh Rankaଙ୍କ ମୁକ୍ତି ଆବେଦନ, ରବିବାର ଆସିପାରେ ନିଷ୍ପତ୍ତି
କକ୍ରୋଚ୍ ଜନତା ପାର୍ଟି (CJP)ର ନେତା ସୌରଭ ଦାସ ଓ ଆଶୁତୋଷ ରଙ୍କାଙ୍କ ମୁକ୍ତି ପାଇଁ ଦଳର ଆଇନଜୀବୀ ଟିମ୍ ସ୍ପେଶାଲ୍ ଏକ୍ଜିକ୍ୟୁଟିଭ୍ ମାଜିଷ୍ଟ୍ରେଟ୍ଙ୍କ ନିକଟରେ ଆବେଦନ କରିଛି। ଜାମିନଦାରଙ୍କ ଆବଶ୍ୟକ କାଗଜପତ୍ର ଦାଖଲ କରିବା ପରେ ଉଭୟଙ୍କୁ ନ୍ୟାୟିକ ହାଜତରୁ ମୁକ୍ତ କରିବାକୁ ଅନୁରୋଧ କରାଯାଇଛି। ରବିବାର ଅପରାହ୍ନ ସୁଦ୍ଧା ଏନେଇ ନିଷ୍ପତ୍ତି ଆସିପାରେ ବୋଲି ଦଳର ଆଇନଜୀବୀ ଟିମ୍ କହିଛି।
ଦଳର ଆଇନଜୀବୀଙ୍କ ଅନୁସାରେ, ଅଟକ ହେବା ଦିନ ଆବଶ୍ୟକ ଜାମିନଦାର ଉପଲବ୍ଧ ନଥିବାରୁ ଉଭୟଙ୍କୁ ନ୍ୟାୟିକ ହାଜତକୁ ପଠାଯାଇଥିଲା। ବୁଧବାର ସେମାନଙ୍କୁ ୫ ଦିନ ପାଇଁ ତିହାର ଜେଲ୍କୁ ପଠାଯାଇଥିଲା।
ପୁଲିସର କହିବା ଅନୁସାରେ, ଶାନ୍ତି ବଜାୟ ରଖିବା ପାଇଁ ଦିଆଯାଇଥିବା ବଣ୍ଡ୍ର ସର୍ତ୍ତ ଉଲ୍ଲଂଘନ କରିବା ସହ ଉଭୟ ଜନ୍ତର ମନ୍ତରରେ ଅନଧିକୃତ ଭାବେ ପ୍ରବେଶ କରିଥିଲେ। ନିକଟରେ ଜନ୍ତର ମନ୍ତରକୁ ନିର୍ଦ୍ଧାରିତ ପ୍ରତିବାଦ ସ୍ଥଳ ତାଲିକାରୁ ବାଦ୍ ଦିଆଯାଇଥିବା ପୁଲିସ କହିଛି।
