Anil Menon Space Voting: ମହାକାଶରୁ ଭୋଟ୍ ଦେଲେ ନାସା ମହାକାଶଚାରୀ ଅନିଲ ମେନନ, ISSରେ ଶୋଇବା ଘର ପାଲଟିଲା ମତଦାନ କେନ୍ଦ୍ର
ନୂଆଦିଲ୍ଲୀ: ପୃଥିବୀଠାରୁ ପ୍ରାୟ ୪୦୦ କିଲୋମିଟର ଉପରେ ଥିବା ଅନ୍ତର୍ଜାତୀୟ ମହାକାଶ କେନ୍ଦ୍ର (ISS)ରୁ ଆମେରିକାର ମଧ୍ୟବର୍ତ୍ତୀ ନିର୍ବାଚନରେ ଭୋଟ୍ ଦେଇଛନ୍ତି ନାସା ମହାକାଶଚାରୀ ଅନିଲ ମେନନ। ମହାକାଶରେ ରହି ମତଦାନ କରିବାର ଅନୁଭୂତି କିପରି ଥିଲା, ତାହାର ଏକ ଝଲକ ସେ ସୋସିଆଲ ମିଡିଆ ପ୍ଲାଟଫର୍ମ Xରେ ସେୟାର କରିଥିବା ଭିଡିଓରେ ଦେଖାଇଛନ୍ତି।
ଅନିଲ ମେନନଙ୍କ ସହ ମହାକାଶଚାରୀ ଜେସିକା ୱାଟକିନ୍ସ ଓ ଲୁକ୍ ଡେଲାନି ମଧ୍ୟ ଏହି ମତଦାନ ପ୍ରକ୍ରିୟାରେ ଭାଗ ନେଇଥିଲେ। ସେମାନେ ଏନକ୍ରିପ୍ଟେଡ୍ ଇଲେକ୍ଟ୍ରୋନିକ୍ ବାଲଟ୍ ପୂରଣ କରି ସୁରକ୍ଷିତ ଭାବେ ଟେକ୍ସାସ୍ର ହାରିସ୍ କାଉଣ୍ଟିର ନିର୍ବାଚନ ଅଧିକାରୀଙ୍କ ନିକଟକୁ ପଠାଇଥିଲେ।
ଭିଡିଓରେ ଅନିଲ ଦେଖାଇଛନ୍ତି ଯେ, ISSରେ ତାଙ୍କ ଶୋଇବା ଘରକୁ ଅସ୍ଥାୟୀ ମତଦାନ କେନ୍ଦ୍ର ଭାବେ ବ୍ୟବହାର କରାଯାଇଥିଲା। ପୃଥିବୀଠାରୁ ଏତେ ଦୂରରେ ରହି ମଧ୍ୟ ମତଦାନରେ ଭାଗ ନେବାର ଏହି ଘଟଣା ମହାକାଶରୁ ଭୋଟ୍ ଦେବାର ଏକ ନିଆରା ଉଦାହରଣ ପାଲଟିଛି।
