Stock Market: ଭାରତୀୟ ସେୟାର ବଜାରରେ ଜବରଦସ୍ତ ବୃଦ୍ଧି, ଖୋଲିବା ମାତ୍ରେ ୧୪୦୦ ପଏଣ୍ଟ ଉପରକୁ ଉଠିଲା ସେନସେକ୍ସ
ନୂଆଦିଲ୍ଲୀ: ଗୁରୁବାର ଭାରତୀୟ ସେୟାର ବଜାରରେ ଜୋରଦାର ବୃଦ୍ଧି ଦେଖିବାକୁ ମିଳିଛି। ବଜାର ଖୋଲିବା ମାତ୍ରେ ୩୦ଟି ଶେୟାର ବିଶିଷ୍ଟ ସେନସେକ୍ସ ପ୍ରାୟ ୧,୪୦୦ ପଏଣ୍ଟ ଉପରକୁ ଉଠିଥିବା ବେଳେ ନିଫ୍ଟି ୫୦ରେ ମଧ୍ୟ ଜୋରଦାର ଉତ୍ସାହ ଦେଖାଯାଇଛି। ବଜାରର ଏହି ବୃଦ୍ଧି ନିବେଶକଙ୍କ ମଧ୍ୟରେ ଆଶା ବଢ଼ାଇଛି।
ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦରରେ ହ୍ରାସକୁ ଭାରତୀୟ ବଜାରର ଏହି ଉତ୍ସାହର ଏକ ପ୍ରମୁଖ କାରଣ ବୋଲି କୁହାଯାଉଛି। ତୈଳ ଦର କମିବା ଭାରତର ଆମଦାନି ଖର୍ଚ୍ଚ ଉପରେ ଚାପ ହ୍ରାସ କରିପାରେ। ଏହା ସହ ବଜାରରେ ନିବେଶକଙ୍କ ମନୋଭାବ ମଧ୍ୟ ସକାରାତ୍ମକ ରହିଛି।
ସେନସେକ୍ସର ୩୦ଟି କମ୍ପାନି ମଧ୍ୟରୁ ୨୯ଟିର ଶେୟାର ସବୁଜ ସଙ୍କେତରେ କାରବାର କରୁଛି। ଇଣ୍ଡିଗୋ, ବଜାଜ ଫାଇନାନ୍ସ ଓ ଏସିଆନ୍ ପେଣ୍ଟସ୍ ଭଳି ଶେୟାରରେ ୪ ପ୍ରତିଶତରୁ ଅଧିକ ବୃଦ୍ଧି ଦେଖାଯାଇଛି। ବଜାରର ଏହି ଦୃଢ଼ ପ୍ରଦର୍ଶନ ଯୋଗୁଁ ଦଲାଲ ଷ୍ଟ୍ରିଟ୍ରେ ଉତ୍ସାହର ପରିବେଶ ରହିଛି।
