ସୌମିତ୍ରି ମେହେର15/07/2023 at 8:09 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ବେହେରାମାଲ ନିକଟରେ ଟ୍ରକ ଧକ୍କାରେ ଜଣେ ଯୁବକ ଗୁରୁତର ହୋଇଛନ୍ତି l ସୂଚନା ଅନୁସାରେ ଶନିବାର ସକାଳ ପ୍ରାୟ ୯ ଘଣ୍ଟା ସମୟରେ ବିନିକା ଅଞ୍ଚଳ ର ଜଣେ ଯୁବକ ସମ୍ବଲପୁର ପଟକୁ ଯାଉଥିବା ସମୟରେ ବେହେରାମାଲ ଛକରେ ସମ୍ବଲପୁର ପଟରୁ ଆସୁଥିବା ଏକ ଟ୍ରକ ତାଙ୍କୁ ଧକ୍କା ଦେଇ ଫେରାର ମାରିଥିଲା l ଫଳରେ ବ୍ୟକ୍ତି ଜଣକ ଛିଟିକି ପଡ଼ିଥିଲେ l ଖବର ପାଇ ଘଟଣା ସ୍ଥଳରୁ ଏମ୍ବୁଲାନ୍ସ କର୍ମଚାରୀ ମାନେ ମୁର୍ମୁଷୁ ଅବସ୍ଥାରେ ଉକ୍ତ ଯୁବକକୁ ଉଦ୍ଧାର କରି ସୋନପୁର ମୁଖ୍ୟ ଡାକ୍ତର ଖାନାକୁ ନେଇଥିବା ଜଣାପଡିଛି l ଘଟଣା ସ୍ଥଳରେ ପୁଲିସ ପହଂଚି ବାଇକ ଯବତ କରିଥିବା ବେଳେ ଦୁର୍ଘଟଣା ଘଟାଇଥିବା ଟ୍ରକର କୌଣସି ସନ୍ଧାନ ପାଇନଥିବା ଜଣାପଡଡିଛି।