ସୌମିତ୍ରି ମେହେର5/08/2023 at 11:48 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକରେ ଗତ ଲଘୁଚାପ ଜନିତ ଳଗାଣ ବର୍ଷା ସାଙ୍ଗକୁ ହରିହରଯୋର ମଧ୍ୟମ ଜଳସେଚନ ପ୍ରକଲ୍ପ ରୁ ଏକାସାଙ୍ଗରେ ୬ ଟି ଗେଟ ଦେଇ ବନ୍ୟାଜଳ ନିଷ୍କାସନ ହେବା ଫଳରେ ତଳ ମୁଣ୍ଡରେ ବନ୍ୟା ଦ୍ଵାରା ବ୍ୟାପକ କ୍ଷୟକ୍ଷତି ଘଟିଥିଲା l ଡ୍ୟାମ ତଳ ଅଞ୍ଚଳରେ ଥିବା ବିଭିନ୍ନ ଉଠାଜଳସେଚନ ପ୍ରକଲ୍ପ ବ୍ୟାପକ ପରିମାଣରେ କ୍ଷତି ହେବା ସହ ପ୍ରକଳ୍ପପାଇଁ ଥିବା ବିଦ୍ୟୁତ ଟ୍ରାନସଫରମ ଗୁଡିକ ଭାଙ୍ଗି ପଡି ବହୁ କ୍ଷତିଗ୍ରସ୍ତ ହୋଇଛି । କ୍ଷତିଗ୍ରସ୍ତ ଉଠାଜଳସେଚନ ପ୍ରକଲ୍ପ ସ୍ଥିତି ଦେଖିବାକୁ ସୁବର୍ଣ୍ଣପୁର ଜିଲ୍ଲାପାଳ ବିମଲେନ୍ଦୁ ରାଏ ବୀରମହାରାଜପୁର ଅଞ୍ଚଳ ଗ୍ରସ୍ତ କରିଥିଲେ । ଶୁକ୍ରବାର ଜିଲ୍ଲାପାଳ ମୃଷୁଣ୍ଢି ପଂଚାୟତ ର ଲୁଦୁମୁଣ୍ଡା ଠାରେ ଥିବା ବିଭିନ୍ନ ପ୍ରକଲ୍ପ ଗୁଡିକର ସ୍ଥିତି ବୁଳି ଦେଖିଥିଲେ । ଏହି ପରିଦର୍ଶନ ସମୟରେ ଉଠାଜଳସେଚନ ନିର୍ବାହି ଯନ୍ତ୍ରୀ ପ୍ରଫୁଲ୍ଲ କୁମାର ବେହେରା , ଜଳସେଚନ ବିଭାଗ ନିର୍ବାହି ଯନ୍ତ୍ରୀ ଜିତେନ୍ଦ୍ରିୟ ପାଢି , ସହକାରି ଯନ୍ତ୍ରୀ ଜଗନ ମାଝି , ଉପଜିଲ୍ଲାପାଳ ଅଶୋକ କୁମାର ଭୋଇ , ଟା ଟା ପାଓ୍ବାର ସହକାରୀ ଯନ୍ତ୍ରୀ ଓ କନିଷ୍ଟ ଯନ୍ତ୍ରୀ , ବୀରମହାରାଜପୁର ତହସିଲଦାର ବିବୁଧ ଗଡନାୟକ , ଉଠାଜଳସେଚନ କନିଷ୍ଟ ଯନ୍ତ୍ରୀ ଶୁଶାନ୍ତ ସାମଳ ଏବଂ ଲୁତୁରପଙ୍ଗ ସରପଂଚ ସୁର୍ଯ୍ୟକୁମାର ନନ୍ଦ ପ୍ରମୁଖ ଙ୍କ ସମେତ ପ୍ରକଲ୍ପ ଅଧିନସ୍ଥ ଅନେକ ଚାଷି ଉପସ୍ଥିତ ଥିଲେ । ବହୁ ଶିଘ୍ର ସମସ୍ତ କ୍ଷତିଗ୍ରସ୍ତ ହୋଇଥିବା ପ୍ରକଲ୍ପର ରିପୋର୍ଟ ଆସିବା ପରେ ଚାଷିଙ୍କ ହିତକୁ ଦୃଷ୍ଟିରେ ରଖି ଆବଶ୍ୟକ ବ୍ୟବସ୍ଥା କରାଯିବ ବୋଲି ଚାଷି ମାନଙ୍କୁ ପ୍ରତିଶୃତି ଦେଇଥିବା ସୁଚନା ମିଲିଛି ।