ସୌମିତ୍ରି ମେହେର17/08/2023 at 4:34 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉଫୁଲା ଗ୍ରାମ ପଞ୍ଚାୟତ କାର୍ଯ୍ୟାଳୟରେ ମଧୁବାବୁ ପେନସନ ଯୋଜନାରେ ଚିହ୍ନଟ ନୂତନ ହିତାଧିକାରୀ ଙ୍କୁ ଭତ୍ତା ବଣ୍ଟନ କରାଯାଇଛି । କାର୍ଯ୍ୟକ୍ରମରେ ସ୍ଥାନୀୟ ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ନୂତନ ହିତାଧିକାରୀ ଙ୍କୁ ଭତ୍ତା ବଣ୍ଟନ କରିଥିଲେ । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଓଡିଶା ସରକାର ଙ୍କ ଦ୍ଵାରା ସ୍ଵତନ୍ତ୍ର ମଞ୍ଜୁରୀ ପାଇଥିବା ଅନୁଦାନରେ ଉଫୁଲା ଗ୍ରାମ ପଞ୍ଚାୟତ ର ୮୩ ଜଣ ହିତଧିକାରୀଙ୍କୁ ଭତ୍ତା ବଣ୍ଟନ ହୋଇଥିଲା । ସରପଞ୍ଚ ଶ୍ରୀୟା କର୍ମୀ ଙ୍କ ପୌରହିତ୍ୟ ରେ ଅନୁଷ୍ଠିତ ଭତ୍ତା ବଣ୍ଟନ ମେଳା ରେ ସୁବର୍ଣ୍ଣପୁର ଜିଲ୍ଲା ଶିଶୁ ମଙ୍ଗଳ ସମିତି ଅଧ୍ୟକ୍ଷ ବରିଷ୍ଠ ଓକିଲ ଶଙ୍କର ପଣ୍ଡା , ବିରମହାରାଜପୁର ପୂର୍ବତନ ବ୍ଲକ ଅଧ୍ୟକ୍ଷ ସ୍ଵଂୟଭୁନାଥ ଖଣ୍ଡଗିରୀ ଓ ରଞ୍ଜିତ କୁମାର ରଥ , ପୂର୍ବତନ ଯୁଭେନାଇଲ ଜଷ୍ଟିସ ବୋର୍ଡ ସଭ୍ୟା ମଞ୍ଜୁଲତା ବାବୁ , ସାମାଜିକ କର୍ମୀ କୃତିବାସ ମିଶ୍ର , ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ସୁଲିଆ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦେଇ ସାମାଜିକ ସୁରକ୍ଷା ଯୋଜନା ର ସଫଳ ରୁପାୟନ ପାଇଁ ସରକାରଙ୍କ ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ । ଗ୍ରାମ ରୋଜଗାର ସେବକ ମନ ମୋହନ ମିଶ୍ର , ଗ୍ରାମ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଗୌର ଚରଣ ସାହୁ ଭତ୍ତା ବଣ୍ଟନ ରେ ସହଯୋଗ କରିଥଲେ । ଯୋଗାଣ ସହାୟକ ଦେବେନ୍ଦ୍ର ପଣ୍ଡା ଶେଷରେ ଧନ୍ୟବାଦ ଅର୍ପଣ କରିଥିଲେ।