ସୌମିତ୍ରି ମେହେର18/08/2023 at 11:18 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ପଞ୍ଚାୟତ ସମିତି ସଭା ଗୃହରେ ଦୀର୍ଘସ୍ଥାୟୀ ବିକାଶ ଲକ୍ଷ୍ୟର ସ୍ଥାନୀୟ କରଣ ପାଇଁ ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ଅଧ୍ୟକ୍ଷତାରେ ତିନି ଦିନିଆ ତାଲିମ ଶିବିର ଅନୁଷ୍ଠିତ ହୋଇଯାଇଛି I ଏଥିରେ ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଭାବେ ଯୋଗଦେଇ ଶିବିରକୁ ଉଦଘାଟନ କରିଥିଲେ I ଅନ୍ୟ ମାନଙ୍କ ମଧ୍ୟରେ ସୁବର୍ଣ୍ଣପୁର ଜିଲ୍ଲା ଏପିଡ଼ି (ତାଲିମ) ଶୈବାଲିନି ପଟ୍ଟନାୟକ , ଏପିଡ଼ି ( ଆରଏଚ) ଆଲୋକ ମିଶ୍ର , ଏମ୍ ଜି ଏନ୍ ଆର୍ ଇ ଜି ଏ ସଂଯୋଜିକା ପ୍ରମୁଖ ଯୋଗଦେଇ ବିଭିନ୍ନ ବିଷୟରେ ଆଲୋକପାତ କରିଥିଲେ I ଏଥିରେ ଦାରିଦ୍ର୍ୟ ମୁକ୍ତ ଓ ଉନ୍ନତ ଜିବିକା ଗଠନ ପାଇଁ ତାଲିମ ଦେଇଥିଲେ l ପ୍ରଥମ ଦିନରେ ବାଗବର , ଉଫୁଳା , କେନଝିରିଆ ପାଲି , ଦୁର୍ଜନତୈଲା ଓ ଖଣ୍ଡହତା ପଞ୍ଚାୟତର ସରପଞ୍ଚ , କାର୍ଯ୍ୟ ନିର୍ବାହୀ ଅଧିକାରୀ , ସମିତି ସଭ୍ୟ , ବିଭିନ୍ନ ବିଭାଗୀୟ ଅଧିକାରୀ , ଏମବିକେ , ସିଆରପି ଓ ବ୍ୟାଙ୍କ ମିତ୍ର ମାନେ ଯୋଗଦାନ କରି ତାଲିମ ଗ୍ରହଣ କରିଥିଲେ I ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ପୁରୁଷୋତ୍ତମ ଧରୁଆ , ଜି ପି ଇ ଓ ପ୍ରଦୀପ ବାଗ ପ୍ରମୁଖ ଶିବିର ପରିଚାଳନା କରିଥିଲେ I