ଗଣପତି ବାଘ

31/08/2023 at 4:11 PM

ସୁବର୍ଣ୍ଣପୁର-ସୁବର୍ଣ୍ଣପୁର ଜିଲ୍ଲା ସୋନପୁର ପୈାରପରିଷଦ ଓ ବିନିକା,ତରଭା ବିଜ୍ଞାପିତ ଅଚଂଳ ପରିଷଦରେ ଆଜି ଆଖିଳ ଭାରତ ସ୍ୱାୟତ୍ତ ସାଶନ ଦିବସ ପାଳିତ ହୋଇଯାଇଛି । ଆଜି ସକାଳୁ ସୋନପୁର ପୈାରପରିଷଦର ଅଧକ୍ଷା ଓ ନିର୍ବାଚିତ କାଉନସିଲର ମାନଙ୍କ ସହିତ ପ୍ରଥମେ ସୋନପୁର ସହରରେ ଥିବା ବିଜୁ ପଟ୍ଟନାୟକ ଓ ଅନ୍ୟ ମହାପୁରୁଷ ମାନଙ୍କ ପ୍ରତିମୁର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ପରେ ପୈାରପରିଷଦ କାର୍ଯ୍ୟାଳୟ ଠାରେ ପତାକା ଉତ୍ତୋଳନ କରିଥିଲେ । ଆଜି ସ୍ୱାୟତ୍ତ ଶାସନ ଦିବସ ଅବସରରେ ସୋନପୁର ସହରର ବିଭିନ୍ନ ସାହି ମାନଙ୍କରେ ନୂତନ ପ୍ରକଳ୍ପ ମାନଙ୍କର ଉଦଘାଟନ ମଧ୍ୟ କରିଥିଲେ । ପରେ ସହରର ନୂତନ ଟାଉନ ହଲ ଠାରେ ଏକ ସାଧାରଣ ସଭାର ଆୟୋଜନ କରାଯାଇଥିଲା । ଏହି ସଭାରେ ମୁଖ୍ୟ ଅତିଥି ଭାବରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନିରଞ୍ଜନ ପୂଝାରୀ ଯୋଗଦେଇ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ କଥା କୁ ମନେ ପକାଇ ସୋନପୁର କୁ ସୁବର୍ଣ୍ଣପୁର ଜିଲ୍ଲା କରିଥିଲେ ଓ ଆଗାମି ଦିନରେ ସୁବର୍ଣ୍ଣପୁର କରିବାର ଦାୟୀତ୍ୱ ଜନସାଧାରଣଙ୍କୁ ଦେଇଥିଲେ । ତାହାକୁ କାର୍ଯ୍ୟରେ ପରିଣତ କରିବାପାଇଁ ସୋନପୁର ପୈାରପରିଷଦ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ କରି ପ୍ରବାଦ ପୁରୁଷଙ୍କ କଥାକୁ ପ୍ରତିପାଦନ କରୁଛି ବୋଲି କହିଥିଲେ । ଏହି ସଭାରେ ଅନ୍ୟମାନଙ୍କ ମଧ୍ୟରେ ସୋନପୁର ଜିଲ୍ଲାପାଳ, ପୈାରପରିଷଦ ଅଧକ୍ଷା , ଜିଲ୍ଲା ଆରକ୍ଷୀ ଅଧିକ୍ଷକ ଓ ଅତିରିକ୍ତ ଜିଲ୍ଲାପାଳ ପ୍ରମୁଖ ଯୋଗ ଦେଇ ଆଗାମି ଦିନରେ ସୋନପୁର ପୈାରପରିଷଦ ର ଲୋକେ ସହଯୋଗ କଲେ ସୋନପୁର ସୁବର୍ଣ୍ଣପୁର ହେବ ବୋଲି ମତ ଦେଇଥିଲେ ।