ସୌମିତ୍ରି ମେହେର1/09/2023 at 6:02 PM
ବୀରମହାରାଜପୁର : ବୌଦ୍ଧ ଜିଲ୍ଲା ବାଉଁଶୁଣି ରୁ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର କୁ ସଂଯୋଗ କରିବା ଲକ୍ଷ୍ୟରେ ମହାନଦୀ ଉପରେ ଏକ ସେତୁ ନିର୍ମାଣ ପ୍ରକ୍ରିୟା ଆରମ୍ଭ ହୋଇଛି I ଏ ସମ୍ପର୍କରେ ବିଶ୍ଵ ବ୍ୟାଙ୍କ ପ୍ରକଳ୍ପ କତୃପକ୍ଷ ତଥା ମୁଖ୍ୟମନ୍ତ୍ରୀ ଙ୍କ କାର୍ଯ୍ୟାଳୟ ଦ୍ଵାରା ପୂର୍ତ୍ତ ବିଭାଗ ଜରିଆରେ ଟେଣ୍ଡର ଆହ୍ଵାନ କରାଯାଇଛି I ଟେଣ୍ଡର ବିଜ୍ଞପ୍ତି ଗଣ ମାଧ୍ୟମରେ ପ୍ରକାଶ ପାଇବା ପରେ ଉଭୟ ବୀରମହାରାଜପୁର ଓ କଣ୍ଟାମାଳ ବିଧାନସଭା ନିର୍ବାଚନମଣ୍ଡଳୀ ଅନ୍ତର୍ଗତ ବୀରମହାରାଜପୁର , ବାଉଁଶୁଣି ଅଞ୍ଚଳର ଲୋକ ଙ୍କ ମନରେ ଆନନ୍ଦ ର ଲହରି ଖେଳି ଯାଇଛି l ଖୁବ୍ ଶୀଘ୍ର ଏହି ପୋଲ ନିର୍ମାଣ କାମ ଆରମ୍ଭ ହେବ ବୋଲି ଉଭୟ କଣ୍ଟାମାଳ ଓ ବୀରମହାରାଜପୁର ବିଧାୟକ କୁହନ୍ତି I