ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ବିଜୁ ପଟ୍ଟନାୟକ ମିନି ଷ୍ଟାଡିୟମ ରେ ଦୁଇ ଦିନ ଧରି ଚାଲି ଥିବା ସୁବର୍ଣ୍ଣପୁର ଜିଲ୍ଲା ସିନିଅର ଫୁଟବଲ ଲିଗ୍ ର ଫାଇନାଲ ରେ ଲାତୁରପେଟ ର ପ୍ରଗତୀ କ୍ଲବ କୁ ହରାଇ ଫୁଲଚରା ଚାମ୍ପିଅନ ହୋଇଛି l ରବିବାର ଚମ୍ପାମାଳ ପଞ୍ଚାୟତର ସରପଞ୍ଚ ମହେନ୍ଦ୍ର ଜଗଦଲା ମୁଖ୍ୟ ଅତିଥି ଏଵଂ କ୍ରୀଡାବିତ୍ କିଶୋର ହୋତା ସମ୍ମାନିତ ଅତିଥି ଭାବେ ଯୋଗଦେଇ ପ୍ରଥମ ମ୍ୟାଚ୍ କୁ ଉଦଘାଟନ କରିଥିବା ବେଳେ ପ୍ରଥମ ମ୍ୟାଚ୍ ବଙ୍କିଆ ଓ ହିଲୁଙ୍ଗ ମଧ୍ୟରେ ହୋଇଥିଲା l ଏଥିରେ ବଙ୍କିଆ ୧-୦ ଗୋଲ ରେ ବିଜୟୀ ହୋଇ ସେମି ଫାଇନାଲ ରେ ପ୍ରବେଶ କରିଥିଲା l ଦ୍ଵିତୀୟ ମ୍ୟାଚ୍ ଟି ଲାତୁରପେଟ ପ୍ରଗତି କ୍ଲବ ଓ ଚମ୍ପାମାଲ ମଧ୍ୟରେ ହୋଇଥିଲା l ନିର୍ଦ୍ଧାରିତ ସମୟର କେହି କାହାକୁ ଗୋଲ ଦେଇ ନ ପାରିବାରୁ ଟ୍ରାଇବ୍ରେକର ର ସାହାଯ୍ୟ ନିଆଯାଇଥିଲା l ଏଥିରେ ଲାତୁରପେଟ ପ୍ରଗତି କ୍ଲବ ୩-୨ ଗୋଲରେ ବିଜୟୀ ହୋଇ ସେମି ଫାଇନାଲ ରେ ପ୍ରବେଶ କରିଥିଲା l ଫୁଲଚରା ଓ ବଙ୍କିଆ ମଧ୍ୟରେ ଅନୁଷ୍ଠିତ ପ୍ରଥମ ସେମି ଫାଇନାଲ ରେ ଫୁଲଚରା ୧-୦ ଗୋଲ ରେ ବିଜୟୀ ହୋଇ ପ୍ରଥମ ଦଳ ଭାବେ ଫାଇନାଲ ରେ ପ୍ରବେଶ କରିଥିଲା l ଦ୍ଵିତୀୟ ସେମି ଫାଇନାଲ ଟି ଜଟେସିଂହା ଓ ପ୍ରଗତି ଲାତୁରପେଟ ମଧ୍ୟରେ ହୋଇଥିଲା l ନିର୍ଦ୍ଧାରିତ ସମୟରେ ଗୋଲ ଶୂନ୍ୟ ରହିବାରୁ ଟ୍ରାଇବେକର ରେ ଫଳାଫଳ ନିର୍ଣ୍ଣୟ କରଯାଇଥିଲା l ଏଥିରେ ଲାତୁରପେଟ ଦଳ ୧-୦ ଗୋଲ ରେ ବିଜୟୀ ହୋଇ ଦ୍ଵିତୀୟ ଦଳ ଭାବେ ଫାଇନାଲ ରେ ପ୍ରବେଶ କରିଥିଲା l ଫାଇନାଲ ମ୍ୟାଚ ରେ ଫୁଲଚରା ଦଳ ୧-୦ ଗୋଲ ରେ ପ୍ରଗତି ଲାତୁରପେଟ କୁ ହରାଇ ଚାମ୍ପିଅନ ହୋଇଥିଲା l ଅନୁଷ୍ଠିତ ପୁରସ୍କାର ବିତରଣି ଉତ୍ସବ ରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟଅତିଥି ଏବଂ ଆତ୍ମା ର ଅଧ୍ୟକ୍ଷ ବିବସ୍ଵତି ପଣ୍ଡା , ଖବରଦାତା ରାଧାକାନ୍ତ ବାଘ ଓ ଶେଷଦେବ ବାରିକ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ l ଉଭୟ ଚାମ୍ପିଅନ ଫୁଲଚରା ଓ ରନର୍ସ ଅଫ ଦଳ କୁ ଟ୍ରଫି ପୁରସ୍କୃତ କରଯାଇଥିଲା l ସୁବର୍ଣ୍ଣପୁର ଜିଲ୍ଲା କ୍ରୀଡ଼ା ସଂଗଠକ ଦିଲ୍ଲୀପ ଗୁରୁ ଓ ଦିଗାମ୍ବର ଶତପଥୀ ପର୍ଯ୍ୟବେକ୍ଷକ ଭାବେ ଯୋଗଦେଇ ଥିଲେ l ଚାମ୍ପିଅନ ଦଳ ଜିଲ୍ଲା ସ୍ତରୀୟ ଫୁଟବଲ ଲିଗ୍ ରେ ଅଂଶ ଗ୍ରହଣ କରିବେ l ମ୍ୟାଚ ଗୁଡିକରେ ପ୍ରଶାନ୍ତ ସେଠୀ , ପ୍ରଶାନ୍ତ ଷାଣ୍ଢ , ନରେଶ କାଣ୍ଡ ଓ ଅଜିତ ନାଏକ ରେଫରୀ ଭାବେ ଖେଳ ପରିଚାଳନା କରିଥିଲେ l କିଶୋର ହୋତା ଓ ଅଭିମନ୍ୟୁ ବଗର୍ତ୍ତି ଧରାବିବରଣୀ ପ୍ରଦାନ କରିଥିଲେ l ଏହି ଫୁଟବଲ ଲିଗ୍ ରୁ ପନ୍ଦର ଜଣିଆ ଏକ ବ୍ଲକ ସ୍ତରୀୟ ଫୁଟବଲ ଦଳ ଚୟନ କରାଯାଇଛି l
ସୁବର୍ଣ୍ଣପୁର ଜିଲ୍ଲା ସିନିୟର ଫୁଟବଲ୍ ଲିଗ୍ ଉଦଯାପିତ ; ଫୁଲଚରା ଚାମ୍ପିଆନ୍
