ମହେନ୍ଦ୍ର କୁମାର ସାଇ7/09/2023 at 10:22 PM
ଝାରସୁଗୁଡା ୭/୯ (ଓଡ଼ିଶା ନ୍ୟୁଜ) ପବିତ୍ର ଜନ୍ମାଷ୍ଟମୀ ଉତ୍ସବ ଅବସରରେ ଝାରସୁଗୁଡା ଜିଲ୍ଲା ଲଖନପୁର ବ୍ଲକ କଦମଡିହି ଗ୍ରାମ ପଞ୍ଚାୟତ ସ୍ଥିତ ଗୋବିନ୍ଦପୁର ଗୋଶାଳାରେ ନବ ନିର୍ମିତ ଗୃହ ପ୍ରତିଷ୍ଠା ଓ ଭଗବାନ ଶ୍ରୀକୃଷ୍ଣଙ୍କ ଜନ୍ମୋତ୍ସଵ ମହା ସମାରୋହରେ ପାଳିତ ହୋଇ ଯାଇଛି । ଏହି ପରିପ୍ରେକ୍ଷୀରେ ସନାତନ ଧର୍ମ ର ରୀତିନୀତି ଅନୁସାରେ ଗୋମାତା ଙ୍କୁ ପୂଜାର୍ଚ୍ଚନା କରିବା ସହ ସେମାନଙ୍କୁ ଖିଚୁଡି ଓ ଗୁଡ଼ ଖାଇବାକୁ ଦିଆ ଯାଇଥିଲା । ଏହା ସହିତ ଜାତୀୟ ରାଜପଥ ୪୯ କୁଡାଲୋଇ ଠାରୁ କନକତୋରା ମଧ୍ୟରେ ଦୁର୍ଘଟଣାଗ୍ରସ୍ତ ଗୋମାତା ମାନଙ୍କୁ ସେବାଯତ୍ନ ଏବଂ ଦୁର୍ଘଟଣାରେ ମୃତ୍ୟୁ ବରଣ କରୁଥିବା ଗୋ ମାତାଙ୍କ ଶବ ସତ୍କାର କରୁଥିବା ଗୋ-ସେବକ ଭାଇ ମାନଙ୍କୁ ମୁଖ୍ୟ ଅତିଥି ଅବସରପ୍ରାପ୍ତ ଶିକ୍ଷକ ବସନ୍ତ ବିଶ୍ଵାଳ ଉପଢୌକନ ଦେଇ ସମ୍ମାନିତ କରିଥିଲେ ଏବଂ ଆଗକୁ ଏହି ପ୍ରୟାସ ଜାରି ରଖିବାକୁ ପରାମର୍ଶ ଦେଇଥିଲେ । ଗୋବିନ୍ଦପୁର ଗୋ ଧାମର ସଭାପତି ପବିତ୍ର ବିଶ୍ଵାଳ, ତ୍ରିନାଥ ନାୟକ ଓ ଗୋ-ଭକ୍ତ ଭାଇମାନେ ଉପସ୍ଥିତ ରହି ସହଯୋଗ କରିଥିଲେ । ଗୋବିନ୍ଦପୁର ଗୋ-ଶାଳାର ମୁଖ୍ୟ ପରିଚାଳକ ରଣଜିତ ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ ।