ଜାମଗାଁ ଗ୍ରାମର ଧାନଫସଲରେ ଗଣ୍ଠିପୋକ ପ୍ରାଦୁର୍ଭାବ
ଝାରସୁଗୁଡା ୧୭/୧୦ (ଓଡ଼ିଶା ନ୍ୟୁଜ) ଝାରସୁଗୁଡା ଜିଲ୍ଲା ଲଖନପୁର ବ୍ଲକ ଜାମଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ଜାମଗାଁ ଗ୍ରାମରେ ରୋଗ ପୋକ ପ୍ରାଦୁର୍ଭାବ ଦେଖା ଦେଇଛି । ଯାହାକୁ ନେଇ ସ୍ଥାନୀୟ ଚାଷୀ ମହଲରେ ଚିନ୍ତାର କାରଣ ପାଲଟିଛି । ବର୍ତ୍ତମାନ ଧାନ ଫସଲ ଗର୍ବଣି ହେବାର ସମୟ ହୋଇଥିବା ବେଳେ ବିଭିନ୍ନ କିସମର ରୋଗ ପୋକ ଯଥା:- ମାଟିଆ ଗୁଣ୍ଡି ,ଛକଡା ପୋକ ,ଗଣ୍ଠି ପୋକ ଆଦି ଧାନ ଗଛ ଗୁଡିକକୁ ସମ୍ପୂର୍ଣ୍ଣ ନଷ୍ଟ କରି ଦେଉଥିବା ଚାଷୀ ମାନେ ଅଭିଯୋଗ କରୁଛନ୍ତି । ଏମାନଙ୍କ ପ୍ରତିରୋଧ ପାଇଁ ଔଷଧ ସିଞ୍ଚନ କଲେ ମଧ୍ୟ କୌଣସି କାମ କରୁନାହିଁ । ବର୍ତ୍ତମାନ ଆଟ,ମାଲ, ବେର୍ଣ୍ଣା କିସମର ଧାନ କିଆରି ମାନଙ୍କରେ ଧାନ କେଣ୍ଡା ବାହାରୁଚି । ଏପରି ସ୍ଥଳେ ଧାନ ଅମଳ ଯଥେଷ୍ଟ ପ୍ରବାଭିତ ହେବା ସହିତ ଚାଷୀ ମାନଙ୍କୁ ଅନେକ କ୍ଷତିର ସମ୍ମୁଖୀନ ହେବାକୁ ପଡ଼ିବ ବୋଲି ଚାଷୀ ମାନେ ମତବ୍ୟକ୍ତ କରିଛନ୍ତି । ତେଣୁ ଯଥାଶୀଘ୍ର କୃଷି ବିଭାଗ ଏଥିପ୍ରତି ଦୃଷ୍ଟି ଦେବାକୁ ଦାବି କରିଛନ୍ତି ।
