ରାଜୀବ ଲୋଚନ ମିଶ୍ର4/11/2023 at 8:27 PM
ନାରାୟଣପୁର ଗ୍ରାମରେ ପୂଜା କମିଟି ପକ୍ଷରୁ ସନ୍ତୋଷୀ ମା’ଙ୍କ ହୋମଯଜ୍ଞ କାର୍ଯ୍ୟକ୍ରମ ଆରମ୍ଭ ହୋଇଛି l ଆଜି ଶୁଭଖୁଣ୍ଟି ସ୍ଥାପନ ପରେ ଗ୍ରାମ ପୁଷ୍କରିଣୀରୁ ମହିଳା ମାନେ କଳସୀରେ ପାଣି ଧରି ଗ୍ରାମ ପରିକ୍ରମା କରିବା ପରେ ମା ସନ୍ତୋଷୀ ଙ୍କ ଗ୍ରାମର ଅସ୍ଥାୟୀ ପୀଠରେ ପହଞ୍ଚି ଥିଲେ l ସନ୍ଧ୍ୟାରେ ଆଳତି କରାଯିବା ସହ ୧୦୮ ନାନା ପୁଷ୍ପ ଅର୍ପଣ ହୋଇଥିଲା l ପରେ ଘୃତଯଜ୍ଞ ଆରମ୍ଭ ହୋଇଥିଲା l ପରେ ମାଙ୍କୁ ନାନା ଫଳ,ପିଠା, ମିଠା, ଓ ଅନ୍ନ ଭୋଗ ଅର୍ପଣ ହୋଇଥିଲା l ପୁରୋହିତ ଭାବେ ଶ୍ରୀ ଜଗନ୍ନାଥ ମିଶ୍ର, ଶ୍ରୀ ରବିନ୍ଦ୍ର ନାଥ ମିଶ୍ର, ଓ ମନୋଜ ମିଶ୍ର ପୂଜାର୍ଚ୍ଚନାର ସମସ୍ତ ଦାୟିତ୍ୱ ତୁଲାଇଥିଲେ l ଏହି କାର୍ଯ୍ୟକ୍ରମ ଆସନ୍ତା ୧୦ ତାରିଖ ପର୍ଯ୍ୟନ୍ତ ଚାଲୁ ରହିବ ବୋଲି କମିଟି ପକ୍ଷରୁ ସୂଚନା ମିଳିଛି l ଏହି କାର୍ଯ୍ୟକ୍ରମରେ ବହୁ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା l