ସୌମିତ୍ରି ମେହେର8/11/2023 at 1:05 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ପଣ୍ଡିଆପାଲି ଖେଳ ପଡ଼ିଆରେ ହେଉଥିବା ୧୪ତମ ଶହିଦ ବିଭୀଷଣ ସ୍ମାରକୀ କ୍ରିକେଟ ଟୁର୍ନାମେଣ୍ଟ ର ମଙ୍ଗଳବାର ଉଭୟ ସେମି ଫାଇନାଲ ହୋଇଥିଲା । ପ୍ରଥମ ସେମି ଫାଇନାଲ ରେ ଉଲୁଣ୍ଡା ବିଜୟୀ ହୋଇଥିବା ବେଳେ ଦ୍ଵିତୀୟ ସେମି ଫାଇନାଲ ରେ ମେହେର ସୁପରଷ୍ଟାର ବାଉଁଶୁଣି ବିଜୟୀ ହୋଇ ଫାଇନାଲ ରେ ପ୍ରବେଶ କରିଛି । ବୁଧବାର ଉଭୟ ବିଜେତା ଦଳ ମଧ୍ୟରେ ଫାଇନାଲ ମ୍ୟାଚ୍ ହେବ ବୋଲି ଆୟୋଜକ ଙ୍କ ସୁତ୍ର ରୁ ପ୍ରକାଶ । ପ୍ରଥମ ସେମି ଫାଇନାଲ ରେ ସ୍କାଏ ଇଲେଭେନ ନିର୍ଦ୍ଧାରିତ ୧୨ ଓଭର ରେ ୧୩୭ ରନ କରିଥିବା ବେଳେ ଉଲୁଣ୍ଡା ଦଳ ଆବଶ୍ୟକ ୧୩୮ ରନ ସଂଗ୍ରହ କରି ବିଜୟୀ ହୋଇ ପ୍ରଥମ ଦଳ ଭାବେ ଫାଇନାଲ ରେ ପ୍ରବେଶ କରିଥିଲା । ଏହି ମ୍ୟାଚ୍ ପାଇଁ ଉଲୁଣ୍ଡା ର ଅଭିଳାଷ ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ଘୋଷଣା କରାଯାଇଥିଲା । ସେହି ପରି ଦ୍ଵିତୀୟ ସେମି ଫାଇନାଲ ରେ ବାଉଁଶୁଣି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୯ ଓଭର ରେ ୧୫୫ ରନ କରିଥିବା ବେଳେ ପଣ୍ଡିଆପାଲି ଦଳ ନିର୍ଦ୍ଧାରିତ ୯ ଓଭର ରେ ୧୦୫ ରନ କରି ପରାସ୍ତ ହୋଇଥିଲା । ଫଳରେ ବାଉଁଶୁଣି ଦ୍ଵିତୀୟ ଦଳ ଭାବେ ଫାଇନାଲ ରେ ପ୍ରବେଶ କରିଛି। ଏହି ମ୍ୟାଚ୍ ପାଇଁ ଛୋଟୁ ଆକାଶ ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ଘୋଷଣା କରାଯାଇଥିଲା । ମ୍ୟାଚ୍ ଗୁଡିକରେ ପିଣ୍ଟୁ ବେହେରା , ସୁବ୍ରତ ବେହେରା , ପ୍ରଫୁଲ୍ଲ ବେହେରା ଆମ୍ପାୟାର , କୁମାର ସେଠୀ ସ୍କୋରର ଏବଂ ରିଙ୍କୁ ଭୋଇ ଧାରା ବିବରଣୀ ପ୍ରଦାନ କରିଥିଲେ ।