ମହେନ୍ଦ୍ର କୁମାର ସାଇ16/11/2023 at 11:42 AM
ଝାରସୁଗୁଡା ୧୫/୧୧ (ଓଡ଼ିଶା ନ୍ୟୁଜ)ଝାରସୁଗୁଡା ଜିଲ୍ଲା ଲଖନପୁର ବ୍ଲକ ପଞ୍ଚଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ମହିମା ମାଧ୍ୟମିକ ବିଦ୍ୟାଳୟର ଛାତ୍ରୀ ଆରତୀ ମାଝୀ ଜାତୀୟ ସ୍ତରୀୟ ଖେଳକୁଦ ପ୍ରତିଯୋଗୀତାରେ ଭାଗ ନେବାପାଇଁ ମନୋନୀତ ହୋଇଛନ୍ତି ।
ସୂଚନା ଥାଉକି ଚଳିତନଭେମ୍ବର ମାସ ୯ ରୁ ୧୧ ତାରିଖ ପର୍ଯ୍ୟନ୍ତ ରାଉରକେଲା ମ୍ୟୁନିସିପାଳ କଲେଜରେ ରାଜ୍ୟ ସ୍ତରୀୟ ଖେଳକୁଦ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଉକ୍ତ ପ୍ରତିଯୋଗିତା ରେ ମହିମା ମାଧ୍ୟମିକ ବିଦ୍ୟାଳୟ ବିଜାପାଲିର ଛାତ୍ରୀ ଆରତୀ ମାଝୀ ଡିସକସ ବିଭାଗରେ ଭାଗନେଇ ଦ୍ଵିତୀୟ ସ୍ଥାନ ଅଧିକାର କରିଥିଲେ ଏବଂ ରୋପ୍ୟ ପଦକ ହାସଲ କରି ଜାତୀୟ ସ୍ତରୀୟ ପ୍ରତିଯୋଗୀତା ନିମନ୍ତେ ମନୋନୀତ ହୋଇଛନ୍ତି । ସେହିପରି ଅନ୍ୟତମ ଛାତ୍ରୀ ଝରଣା ମୁଣ୍ଡା ମଧ୍ୟ ୨୦୦ ମି ଦୌଡ଼, ଲମ୍ବ ଓ ଉଚ୍ଚ ଡିଆଁ ପ୍ରତିଯୋଗୀତାରେ ତୃତୀୟ ସ୍ଥାନ ଅଧିକାର କରି କାଂଷ୍ୟ ପଦକ ପାଇଥିବା କୋଚ ମ୍ୟାନେଜର ମନୋଜ କୁମାର ସାହୁ ସୂଚନା ଦେଇଛନ୍ତି । ଏଥିପାଇଁ ମହିମା ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପ୍ରଫୁଲ ସା, କୋଚ ମ୍ୟାନେଜର ମନୋଜ କୁମାର ସାହୁ ଙ୍କ ସମେତ ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ, ବିଦ୍ୟାଳୟ ପରିଚାଳନା କମିଟିଙ୍କ ସମେତ ସମସ୍ତ ଛାତ୍ରଛାତ୍ରୀ ଉଭୟ ଛାତ୍ରୀଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି ।