ରାଜୀବ ଲୋଚନ ମିଶ୍ର23/11/2023 at 11:24 PM
ଗୋପାଳପୁର ୨୩/୧୧ ଡୁରା ସ୍ଥିତ ରାମ ନାରାୟଣ ଡିଗ୍ରୀ କଲେଜରେ ଆଜି ସମ୍ମନ୍ୱିତ ଯୁବ ବିକାଶ ସାଂସ୍କୃତିକ କାର୍ଯ୍ୟକ୍ରମ ଉଦଯାପିତ ହୋଇଛି l କଲେଜ ଅଧକ୍ଷ ଡ଼. ପିନାକୀ ମହାନ୍ତିଙ୍କ ଅଧକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ବିଷ୍ଣୁ ପ୍ରିୟା ବେହେରା ଯୋଗ ଦେଇ ଛାତ୍ର ଛାତ୍ରୀ ମାନଙ୍କୁ କ୍ରୀଡ଼ା, ଶିକ୍ଷା ଓ ସଂସ୍କୃତି ଉପରେ ଆଲୋକପାତ କରିଥିଲେ l ଏହି ସାଂସ୍କୃତିକ କାର୍ଯ୍ୟକ୍ରମରେ ନାଚ, ଗୀତ, ଏକକ ଅଭିନୟ, ଫେସନ ସୋ ଆଦି ପ୍ରତିଯୋଗିତା କରାଯାଇଥିଲା l ଗଞ୍ଜାମ ପ୍ରସିଦ୍ଧ ବାଘ ନାଟ, ପିଲା ଖାଇ ଡାହାଣୀ ଆକୃଷ୍ଟ କରିଥିଲା l ବିଚାରକ ଭାବେ ସସ୍ମିତା କୁମାରୀ ସାବତ, ଡ଼. ସବିତା କୁମାରୀ ସାହୁ, ସିଲ୍ଲୀ ଦେବୀ ପ୍ରଧାନ, ସୁନିତା ବେହେରା,ମଧୁସ୍ମିତା ମହାପାତ୍ର, ଅର୍ଚନା ପାଣିଗ୍ରାହୀ, ଜଗଦୀଶ କୁମାର, ନମିତା ପଟନାୟକ, କୃତୀ ବାସ ପ୍ରଧାନ, ସନ୍ତୋଷ ଦଳେଇ ଦାୟିତ୍ୱ ତୁଲାଇଥିଲେ l କୃତୀ ପ୍ରତିଯୋଗୀଙ୍କୁ ପ୍ରମାଣପତ୍ର ସହ ପୁରସ୍କାର ଅତିଥି ମାନେ ପ୍ରଦାନ କରିଥିଲେ l ଏଥିରେ ଅଧ୍ୟାପକ, ଅଧ୍ୟାପିକା, ଛାତ୍ର ଛାତ୍ରୀ ଉପସ୍ଥିତ ଥିଲେ l ଶେଷରେ ସବିତା ସାହୁ ଧନ୍ୟବାଦ ଅର୍ପଣ କରିଥିଲେ l