ରାଜୀବ ଲୋଚନ ମିଶ୍ର25/11/2023 at 10:18 PM
ଗୋପାଳପୁର,୨୫/୧୧ ଗୋଳନ୍ଥରା ଥାନା ଅନ୍ତର୍ଗତ ରାମଚନ୍ଦ୍ରପଲ୍ଲୀ ଗ୍ରାମ ନିକଟରେ ଜଣେ ବାଇକ ଚାଳକକୁ ଅଟକାଇ ମାଡ ମରିବା ସହ ଡ଼କାୟତ କରିବା ଅଭିଯୋଗରେ ଶନିବାର ଗୋଳନ୍ଥରା ପୋଲିସ ଯୁବକ କୁ ଗିରଫ କରି କୋର୍ଟ ଚାଲାଣ କରିଛି l ଗିରଫ ଅଭିଯୁକ୍ତ ଜଣକ ହେଲେ କବିସୂର୍ଯ୍ୟନଗର ଥାନା ଅଧିନସ୍ଥ ହାତୀଓଟ ଗ୍ରାମର ବାସୁଦେବ ନାୟକ (୨୯) ବୋଲି ପୋଲିସ ସୂଚନା ଦେଇଛନ୍ତି l ସୂଚନା ଅନୁସାରେ, ଗତ ୨୩ ତାରିଖ ଅପରାହ୍ନରେ ଗଞ୍ଜାମ ଜିଲା ଜରଡ଼ା ଥାନା ଅନ୍ତର୍ଗତ ଚିଡ଼ିପୁଡ଼ି ଗ୍ରାମର ୟୁ.ଗୋପାଳ ବାଇକ ଯୋଗେ ପିତାତଳି ରାସ୍ତା ଦେଇ ସୋରଳ ଜଙ୍କସନ ପଟକୁ ଆସୁଥିବା ବେଳେ ସନ୍ଧ୍ୟାପ୍ରାୟ ସାଢେ଼ ୫ ଟା ସମୟରେ ରାମଚନ୍ଦ୍ରପଲ୍ଲୀ ଗ୍ରାମ ନିକଟରେ ଗୋପାଳ ପରିସ୍ରା କରିବା ଲାଗି ବାଇକର ଷ୍ଟାର୍ଟ ବନ୍ଦ କରି ଓହ୍ଲାଇବା ସମୟରେ ହଠାତ ଦୁଇଟି ବାଇକରେ ପାଞ୍ଚ ଜଣ ଦୁର୍ବୃତ୍ତ ସେଠାରେ ପହଞ୍ଚି କ ଗୋପାଳକୁ ମାଡ଼ ମାରି ପିନ୍ଧିଥିବା ସୁନା ଚେଇନ ଓ ମୋବାଇଲ ଛଡେଇ ନେଇ ଘଟଣାସ୍ଥଳରୁ ଚମ୍ପଟ ମାରିଥିଲେ l ଏ ନେଇ ରାତିରେ ଗୋପାଳ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ l ଏତଲାକୁ ଭିତ୍ତି କରି ପୋଲିସ ପକ୍ଷରୁ ୬୦୪/୨୩ ରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା l ଘଟଣାରେ ସମ୍ପୃକ୍ତ ଅଭିଯୁକ୍ତ ମାନଂକୁ ପୋଲିସ ଧରିବା ପାଇଁ ଗୋଳନ୍ଥରା ପୋଲିସ ଏକ ସ୍ବତନ୍ତ୍ର ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଡାଉ କରିଥିଲେ l ଗତକାଲି ମଧ୍ୟ୍ୟରାତିରେ ଅଟୋନଗର ନିକଟରେ ଚଢ଼ାଉ କରି ପୋଲିସ ଘଟଣାରେ ସମ୍ପୃକ୍ତ ରହିଥିବା ବାସୁଦେବ ଠାରୁ ଚୋରି ମୋଟରସାଇକେଲ ସହ ମୋବାଇଲ କୁ ଜବତ କରିଥିଲା l ଆଜି ଅଭିଯୁକ୍ତ ବାସୁଦେବକୁ କୋର୍ଟ
କୋର୍ଟ ଚାଲାଣ କରିଛି l ଅନ୍ୟ ଚାରି ଅଭିଯୁକ୍ତ ଚି଼ହ୍ନଟ ହୋଇଥିବା ବେଳେ ଫେରାର ଖୁବ ଶ୍ରୀଘ୍ର ଗିରଫ କରାଯିବ ବୋଲି ଥାନା ଅଧିକାରୀ ବିବେକାନନ୍ଦ ସୂଚନା ଦେଇଛନ୍ତି l