ଜଗନ୍ନାଥ ନାଏକ14/12/2023 at 9:49 AM
କଳାହାଣ୍ଡି, ୧୪/୧୨ (ଜଗନ୍ନାଥ ନାଏକ) : ଆସନ୍ତା ୧୪ ରୁ ୧୭/୧୨/୨୦୨୩ ପର୍ଯ୍ୟନ୍ତ ରାଜ୍ୟର ଅଗ୍ରଣୀ ସାଂସ୍କୃତିକ ଅନୁଷ୍ଠାନ “ପ୍ରତିଭା “ଦ୍ୱାରା ଭବାନୀପାଟଣା ଲାଲବାହାଦୁର
ଶାସ୍ତ୍ରୀ ଷ୍ଟାଡିଅମ ଠାରେ ହେବାକୁ ଯାଉଛି ଜାତୀୟ ସ୍ତରୀୟ ଆଦିବାସୀ ମହୋତ୍ସବ l ଏହି ମହୋତ୍ସବ ରେ ଦେଶ ର ବିଭିନ୍ନ ପ୍ରାନ୍ତରୁ କଳାକାର ଆସି ସେମାନଙ୍କ କଳା ପ୍ରଦର୍ଶନ କରିବେ l ଉକ୍ତ ମହୋତ୍ସବ ରେ କଳାହାଣ୍ଡି ମାଟିର ଜଣେ ଉଚ୍ଚ ଶିକ୍ଷିତ ସୁଯୋଗ୍ୟ କଳାକାର ଶ୍ରୀଯୁକ୍ତ ସତ୍ୟବ୍ରତ ଦାଶ ଙ୍କୁ “ସଂଗୀତ ଯୁବ ରତ୍ନ ” ସମ୍ମାନ ରେ ଅଳଙ୍କୃତ କରାଯିବ l କଳାକ୍ଷେତ୍ର ରେ ସେ କଳାହାଣ୍ଡି କୁ ବହୁତ ଗର୍ବ ଆଣିଦେଇଛନ୍ତି l ସେ ଜଣେ କେନ୍ଦ୍ର ସରକାର ଙ୍କ ଆକାଶବାଣୀ ଓ ଦୂରଦର୍ଶନ ର ସ୍ୱୀକୃତି ପ୍ରାପ୍ତ ତବଲା ବାଦକ, ତାଙ୍କର ବହୁତ ଗୀତ ବିଭିନ୍ନ ସ୍ଥାନରେ ପ୍ରସାରିତ ହୋଇ ସମସ୍ତଙ୍କୁ ମୋହିତ କରିଛି l ସେ ଲହରୀ ଫିଲ୍ମ ଫେଷ୍ଟିଭାଲ ରେ ୨୦୧୮ ମସିହା ରେ “କୌଶଳ ଗୌରବ ” ସମ୍ମାନ ରେ ସମ୍ମାନିତ ହୋଇଥିଲେ l ଦେଶର ବିଭିନ୍ନ ମଞ୍ଚ ରେ ତାଙ୍କର କଳା ପ୍ରଦର୍ଶନ କରି ତାଙ୍କର ହାତର ଯାଦୁକରୀ ସ୍ପର୍ଶ ଦେଇ ଏବଂ ଦର୍ଶକ ଙ୍କ ମନ ମୁଗ୍ଧ କରି ସମ୍ମାନିତ ହୋଇଛନ୍ତି l