ଖଣ୍ଡହତା ରେ ସିୟା ପରିବାର ର ବାର୍ଷିକ ଉତ୍ସବ


ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ସ୍ଥିତ ଇନ୍ଦିରା ଗାନ୍ଧୀ ହାଇସ୍କୁଲ ପଡ଼ିଆରେ ଅଗ୍ରିଣ ସ୍ବେଚ୍ଛାସେବୀ ଅନୁଷ୍ଠାନ ‘ସିୟା ‘ ପରିବାରର ନବମ ବାର୍ଷିକ ଉତ୍ସବ ରବିବାର ଅନୁଷ୍ଠିତ ହୋଇଯାଇଛି। ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ବ୍ଳକ ଉପାଧ୍ୟକ୍ଷ ନାରାୟଣ ଲୁହା ଯୋଗଦେଇଥିଲେ I ଯଜ୍ଞେଶ୍ଵର ବିଶି , ଦ୍ବିତୀକୃଷ୍ଣ ପଣ୍ଡା , ଯୋଗେନ୍ଦ୍ର ପଣ୍ଡା , ଜଗବନ୍ଧୁ ବେରିହା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଦୀପ ପ୍ରଜ୍ଜ୍ୱଳନ କରି ଉକ୍ତ କାର୍ଯ୍ୟକ୍ରମକୁ ଶୁଭ ଉଦଘାଟନ କରିଥିଲେ । ଏହି ଅବସରରେ ଏକ’ କୋଶଲି କବିତା’ ଆସର ଆୟୋଜିତ ହୋଇଥିଲା ।‌ ଏଥିରେ କବି ଲକ୍ଷ୍ମୀ ନାରାୟଣ ସାହୁ ଓ ସନ୍ତୋଷିନୀ ନନ୍ଦ ଅତିଥି ଭାବେ ଯୋଗଦେଇ ଉକ୍ତ କାର୍ଯ୍ୟକ୍ରମ ପରିଚାଳନା କରିଥିଲେ । ଏଥିରେ ୩୦ ରୁ ଉର୍ଦ୍ଧ୍ବ ମାନ୍ୟଗଣ୍ୟ କବି ଯୋଗଦେଇ ନିଜର କବିତା ପାଠ କରିଥିଲେ । କମିଟି ପକ୍ଷରୁ ଅତିଥିଙ୍କ ଦ୍ବାରା ସମସ୍ତ କବିତା ପାଠ କରିଥିବା କବିଗଣ ଓ ୧୩ ରୁ ଉର୍ଦ୍ଧ ସ୍ବେଛାସେବୀ ସଂଗଠନକୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। ଅପରାହ୍ନରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ଉଚ୍ଚ ଶିକ୍ଷା ପରାମର୍ଶ ଦାତା ତଥା ଅନୁଷ୍ଠାନ ଉପଦେଷ୍ଟା ପ୍ରଫୁଲ୍ଲ କୁମାର ରଥ , ସମାଜସେବୀ ପ୍ରେମାନନ୍ଦ ଜଟି, ଶିକ୍ଷାବିତ ବିଜୟ କୁମାର ପ୍ରଧାନ , ରେଆ ପ୍ରତିଷ୍ଠାତା ଗୈାରୀଶ୍ୟାମ ପଣ୍ଡା , ସଂଜ୍ଞୀତ ନିର୍ଦ୍ଦେଶକ ସାଶ୍ଵାତ ତ୍ରୀପାଠୀ , ସ୍ଥାନୀୟ ସରପଞ୍ଚ ଜୟଶ୍ରୀ ଦେହୁରୀ , ଜିଲ୍ଲା ଶିଶୁ ମଙ୍ଗଳ ସଦସ୍ୟ ରାଜିବ , ଖଣ୍ଡହତା କଲେଜ ଅଧ୍ୟକ୍ଷ ଜଗବନ୍ଧୁ ବେରିହା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ । ଉକ୍ତ କାର୍ଯ୍ୟକ୍ରମକୁ ଅନୁଷ୍ଠାନ କାର୍ଯ୍ୟକାରୀ ସଦସ୍ୟ ସୁଶାନ୍ତ ଭୋଇ ପରିଚାଳନା କରିଥିଲେ । ଏହି ଅବସରରେ ଅଞ୍ଚଳର ଛୋଟ ଛୋଟ ବହୁ କଳାକାର ମାନଙ୍କୁ ନେଇ ଏକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଅନୁଷ୍ଠାନର ସଭାପତି ସୁଦାମ ଗାଇଗୋରିଆ , ସମ୍ପାଦକ ଦିଲ୍ଲୀପ କୁମାର ପ୍ରଧାନ ,‌ ପ୍ରମୋଦ ପଣ୍ଡା , ପ୍ରଶାନ୍ତ ମାଝି , ଗୋବିନ୍ଦ ପ୍ରଧାନ, ବାସୁଦେବ ବେହେରା, ପିଣ୍ଟୁ ପ୍ରମୁଖ ଉପସ୍ଥିତ ଥିଲେ I