ସୌମିତ୍ରି ମେହେର7/01/2024 at 1:29 PM
ବୀରମହାରାଜପୁର : ( ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ସରକାରୀ ବାଳିକା ହାଇସ୍କୁଲ ର ୨୮ ତମ ବାର୍ଷିକ କ୍ରୀଡ଼ା ଉତ୍ସବ ଉଦଯାପିତ ହୋଇଯାଇଛି । ବୀରମହାରାଜପୁର କଲେଜର ଅବସରପ୍ରାପ୍ତ ଖେଳ ଅଧ୍ୟାପକ ନରେନ୍ଦ୍ର ଚାନ୍ଦ ଉକ୍ତ କ୍ରୀଡ଼ା ଉତ୍ସବ କୁ ଉଦଘାଟନ କରିଥିଲେ। ଏଥିରେ ସ୍କୁଲର ଶତାଧିକ ଛାତ୍ରୀ ଅଂଶଗ୍ରହଣ କରିଥିଲେ। ୧୦୦ମିଟର , ୨୦୦ ମିଟର ଦୌଡ , ଲମ୍ବ ଡିଆଁ, ଉଚ୍ଚ ଡିଆଁ , ଡିସକସ ଥ୍ରୋ , ସଟଫୁଟ ଥ୍ରୋ , ମ୍ୟୁଜିକ ଚ୍ୟାର , ପଟାଟୋ ରେସ ଆଦି ବିଭିନ୍ନ ୧୫ ଟି ପ୍ରତିଯୋଗିତା ହୋଇଥିଲା । ସ୍କୁଲ ର ପ୍ରଧାନ ଶିକ୍ଷୟତ୍ରୀ ଅନିତାରାଣୀ ହୋତା ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଉଦଯାପନୀ ଉତ୍ସବରେ ସାହିତ୍ୟିକ ତଥା ଅବସପ୍ରାପ୍ତ ଜିପିଓ ଦ୍ଵିତିକୃଷ୍ଣ ପଣ୍ଡା , ବଗବାର ଆଇଟିଆଇ ଟ୍ରେନିଂ ଅଧିକାରୀ ସଞ୍ଜୁ ବରୁଆ ପ୍ରମୁଖ ଅତିଥି ଭାବେ ଯୋଗଦେଇ ଥିଲେ। ଏହି ଅବସରରେ ଅତିଥିମାନେ ଛାତ୍ରୀ ମାନଙ୍କୁ ପାଠ ପଢା ସହିତ ଖେଳ କୁଦ ରେ ମଧ୍ୟ ଅଂଶ ଗ୍ରହଣ କରିବାକୁ ପରାମର୍ଶ ଦେଇଥିଲେ। ଶରୀର ସୁସ୍ଥ ରହିଲେ ସବୁ କାମ କରିବାକୁ ଫୁର୍ତ୍ତି ଲାଗିଥାଏ । ତେଣୁ ସୁସ୍ଥ ରହିବାକୁ କ୍ରୀଡ଼ା ଜରୁରୀ ବୋଲି ଅତିଥିମାନେ ମତ ବ୍ୟକ୍ତ କରିଥିଲେ । ଏହି ଅବସରରେ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀ ଙ୍କୁ ମେଡାଲ ଓ ମାନପତ୍ର ଦେଇ ପୁରସ୍କୃତ କରାଯାଇଥିଲା। ଶିକ୍ଷୟିତ୍ରୀ ଏସଏସ ପ୍ରିୟଦର୍ଶିନୀ , ଅରୁନ୍ଧତି ମଲ୍ଲିକ , ଆନନ୍ଦ ଦାୟିନୀ ସିଂ, ତେଜସ୍ଵିନୀ ନାଗ , ଶିକ୍ଷକ ଆକାଶ କୁମାର ବେହେରା , ରାଜା ବାରିକ ପ୍ରମୁଖ ବିଭିନ୍ନ କ୍ରୀଡା ପ୍ରତିଯୋଗୀତା କୁ ପରିଚାଳନା କରିବା ସହିତ ପୁରସ୍କାର ବିତରଣୀରେ ସହଯୋଗ କରିଥିଲେ। ଏହି ଅବସରରେ ସ୍କୁଲର ନମିତା ଜଗଦଲା ଙ୍କୁ ଚାମ୍ପିଅନ ଭାବେ ପୁରସ୍କୃତ କରାଯାଇଥିଲା । ସମସ୍ତ କର୍ମଚାରୀ ଏଥିରେ ସହଯୋଗ କରିଥିଲେ।