ପ୍ରଦୀପ କୁମାର ନାୟକ

8/01/2024 at 11:42 AM

ଚିପିଲିମା, ଚିପିଲିମା ଧନୁଯାତ୍ରାର ମହୋତ୍ସବ ର ପଞ୍ଚମ ସଂଧ୍ୟାରେ ମହା  ପ୍ରତାପୀ କଂସ ଙ୍କ ଦିଗବିଜୟ, ଗୋପପୁରରେ କାଳୀୟ ଦଳନ  ଘଟଣା ପ୍ରଚାରିତ ହେବାପରେ କଂସ ମହାରାଜ କ୍ରୋଧ ରେ ଜର୍ଜରିତ ହୋଇ,  ଦେବାର୍ଷି ନାରଦ ଙ୍କ ପରାମର୍ଶ ରେ ଜରୁରୀକାଳିନ ବୈଠକ ଡକାଇବା ପାଇଁ ମନ୍ତ୍ରୀ ଙ୍କୁ ଆଦେଶ ଦେଇଥିଲେ।
ରାଜ ଦରବାର ରେ ପାତ୍ରମନ୍ତ୍ରୀ ଙ୍କ ସହିତ ଗୁରୁତ୍ୱପୂର୍ଣ ପ୍ରସଙ୍ଗ ନେଇ ଆଲୋଚନା,ବିଚାରପରାମର୍ଶ ହୋଇଥିଲା।
ରାଜ ଦରବାର ରେ ପାତ୍ରମନ୍ତ୍ରୀ ଙ୍କ ସହିତ ଗୁରୁତ୍ୱପୂର୍ଣ ଆଲୋଚନା,ରଙ୍ଗ ସଭାରେ ସ୍ୱର୍ଗ, ମର୍ତ୍ୟ, ପାତାଳ ସମସ୍ତ ରାଜା ସହିତ ଇନ୍ଦ୍ର, , ଚନ୍ଦ୍ର,ବରୁଣ, କୁବେର, ଅଗ୍ନି, ପ୍ରମୁଖ ଦେବତା ସହିତ ଚେଦି ରାଜ୍ୟ ରାଜା ଶିଶୁପାଳ, କଲକ୍ୟ  ରାଜା ନିର୍ବlତକବଚ, ଉଡଙ୍ଗ ରାଜା ବଜ୍ର ନାଦ, ଶଳିତପୁର ବାଣl ସୁର, ପଞ୍ଚବନ ଜ୍ୟୋତିଷପୁର ରାଜା ନାରକା ସୁର, କଳିଙ୍ଗ ରାଜା ବଜ୍ରସେନ, ମାଗଧ ରାଜା ଜରାସନ୍ଧ, ହସ୍ତିନା ରାଜା ଭୀଷ୍ମ, ପ୍ରମୁଖ ରାଜା ଅଂଶ ଗ୍ରହଣ କରି ବିଭିନ୍ନ ପ୍ରସ୍ତାବ ଦେଇଥିବା ବେଳେ  କୁମନ୍ତ୍ରଣ ହୋଇଥିଲା। ଅନ୍ୟ ପଟେ ଭକ୍ତିମୟ ପରିବେଶ ରେ ଗୋପ ନାଗରୀରେ କୃଷ୍ଣ ଙ୍କ ଲହୁଣୀ ଚୋରି, ଘଣ୍ଟେଶ୍ୱରୀ ମନ୍ଦିର ରାସ୍ତା କଡ ପୋଖରୀରେ କାଳୀୟ ଦଳନ, ଗୋପୀ ଙ୍କ ବସ୍ତ୍ର ହରଣ, ନାବିକେଳ  ଇତ୍ୟାଦି କାର୍ଯ୍ୟକ୍ରମ ଆୟୋଜିତ ହୋଇଥିଲା। ରାଜକୀୟ ଅତିଥି ଭାବେ ବିଜେଡି ରାଜ୍ୟ ପରିଷଦ ସଦସ୍ୟ ତଥା ଯୁବ ବିଜେଡ଼ି  ଯୁଗ୍ମ ସମ୍ପାଦକ ଇଂ ଦିଲୀପ ଦୁରିଆ, ମହିଳା ସମାଜ ସେବୀ କିରଣ ଜୟପୁରିଆ, ଅମର ତାଣ୍ଡିଆ,
ଧନକଉଡ଼ା ବ୍ଲକ  ବିଜେଡି ଯୁବ ସଭାପତି ବାଞ୍ଛାନିଧି ମିଶ୍ର, ବ୍ଲକ ମହିଳା ନେତ୍ରୀ ସାବିତ୍ରୀ ରଥ ପ୍ରମୁଖ ଅତିଥି ଭାବେ ଯୋଗଦେଇଥିଲେ। ରାଜା କଂସ ଙ୍କ ନିର୍ଦ୍ଧେଶ କ୍ରମେ ଅତିଥି ମାନଙ୍କୁ ରାଜ ଦରବାର ରେ ସ୍ୱାଗତ କରିବା ସହିତ  ପୁଷ୍ପ ଗୁଚ୍ଛ ସହ ଉପଢୌକନ  ଦେଇ ସମ୍ମାନିତ କରାଯାଇଥିଲା।ପରେ ଜମନକିରା ରୁ ନିମନ୍ତ୍ରିତ ହାସ୍ୟକବି ପ୍ରମୋଦଙ୍କ ସହ ଅନ୍ୟ ଜଣେ ହସ୍ୟକବିଙ୍କୁ ମଧ୍ୟ କବିତା ପାଠ ପାଇଁ କଂସ ମହାରାଜ ସୁଯୋଗ ପ୍ରଦାନ କରାଯାଇଥିଲା।ଆମୋଦ ପ୍ରମୋଦ ପାଇଁ ନାଚ,ଗୀତ,ଦଳଗତ ନୃତ୍ୟକୁ ନେଇ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା।ମିନା ବଜାରରେ ପ୍ରବଳ ଭିଡ ପରିଲିକ୍ଷିତ ହୋଇଥିଲା।