ରାଜୀବ ଲୋଚନ ମିଶ୍ର

9/01/2024 at 11:38 PM

ଗୋପାଳପୁର ୯/୧(ନିପ୍ର )
ଗୋପାଳପୁର ଥାନା ଅନ୍ତର୍ଗତ ସିନ୍ଧି ଗାଁ ଟାଟା କଲୋନୀର ବଡ଼ ଭାଇ ପି. ଦାନେଶୁ ରେଡିକୁ ସାନଭାଇ ପି.କେଶବ ରେଡ୍ଡୀ ଜୀବନରେ ମାରିଦେବାକୁ ଚେଷ୍ଟା କରୁଥିବା ମାମଲାରେ ଆଜି ସାନଭାଇକୁ ପୁଲିସ ଗିରିଫ କରି କୋର୍ଟ ଚାଲାଣ କରିଛି l ଅଭିଯୋଗ ଅନୁଯାୟୀ ଗତକାଲି ବଡଭାଇ ଦାନେଶୁ ମଧ୍ୟାହ୍ନ ୧୨.୧୫ ସମୟରେ ବିଲକୁ ଯାଉଥିବା ସମୟରେ ସାନଭାଇ କେଶବ ଟାଟା ଏସିଇ ଗାଡ଼ିରେ ଆସି ଘର ସମ୍ମୁଖରେ ବଡଭାଇକୁ ଧକ୍କା ଦେଇଥିଲା l ଫଳରେ ତଳେ ପଡିଯିବା ପରେ ମଧ୍ୟ ପୁଣି ଗାଡ଼ି ପଛକୁ କରି ଧକ୍କା ଦେଇଥିଲା lଘଟଣା ସମୟରେ ଦାନେଶୁର ସ୍ତ୍ରୀ ପି. ନlର୍ସମ୍ମା ଦୌଡ଼ି ଆସି ସ୍ୱାମୀକୁ ବଞ୍ଚାଇବା ପାଇଁ ଟାଣି ଦେଇଥିଲା l ପତ୍ନୀର ପାଟି ଶୁଣି ଗାଁ ଲୋକେ ଆସିବାରୁ ଗାଡ଼ି ଛାଡ଼ି କେଶବ ସେଠାରୁ ଚାଲି ଯାଇଥିଲା l କେଶବ ସେଠାରୁ ଗଲା ବେଳେ ବଡ ଭାଇ କୁ ଜୀବନରେ ମାରି ଦେବୀ ବୋଲି କହି ଚାଲିଯାଇଥିଲା l ଦାନେଶୁ ଗୁରୁତର ଥିବାରୁ ପରିବାର ଲୋକେ ବ୍ରହ୍ମପୁର ମେଡିକାଲ ଚିକିତ୍ସା ନିମନ୍ତେ
ନେଇଥିଲେ l ଅଧିକ ଗୁରୁତର ଥିବାରୁ ଚିକିତ୍ସା ନିମନ୍ତେ ଭୁବନେଶ୍ୱର ମେଡିକାଲକୁ ନେଇଥିଲେ l ଘଟଣା ନେଇ ପତ୍ନୀ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୨/୨୪ ମାମଲା ରୁଜୁ କରି ଅଭିଯୁକ୍ତ କେଶବକୁ କୋର୍ଟ ଚାଲାଣ କରିବା ସହ ଗାଡ଼ିକୁ ଜବତ କରିଥିବା ପୁଲିସ କହିଛି l