ବହଲପଦର ଦଧିବାମନ କ୍ରିକେଟ କପରେ ସlହlଜଲଥା କୁ ହରାଇ ଲୁତୁରପଙ୍କ ସେମି ଫାଇନାଲରେ


ବୀରମହାରାଜପୁର : ( ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ସ୍ଥିତ ଖେଳ ପଡ଼ିଆରେ ହେଉଥିବା ପ୍ରଥମ ଦଧିବାମନ କ୍ରିକେଟ କପ୍ ର ଗୁରୁବାର ମ୍ୟାଚ୍ ରେ ସାହାଜଲଥା କୁ ହରାଇ ଲୁତୁରପଙ୍କ ସେମି ଫାଇନାଲରେ ପ୍ରବେଶ କରିଛି । ଗୁରୁବାର ପ୍ରଥମ ମ୍ୟାଚ୍ ଟି ବଡ଼ମାଳ ଓ ଲୁତୁରପଙ୍କ ମଧ୍ୟରେ ହୋଇଥିଲା । ଏଥିରେ ବଡ଼ମାଳ ୮୨ ରନ କରିଥିବା ବେଳେ ଲୁତୁରପଙ୍କ ୮୩ ରନ କରି ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍ ରେ ତେଲିପାଲି ପ୍ରଥମେ ବ୍ୟାଟିଂ କରି ୮ ଓଭର ରେ ୮୫ ରନ କରିଥିବା ବେଳେ ସାହାଜଲଥା ଦଳ ୭.୪ ଓଭର ରେ ୮୬ ରନ କରି ବିଜୟୀ ହୋଇଥିଲା । ପ୍ରଥମ ମ୍ୟାଚ୍ ର ବିଜେତା ଲୁତୁରପଙ୍କ ଓ ଦ୍ଵିତୀୟ ମ୍ୟାଚ୍ ର ବିଜେତା ସାହାଜଲଥା ମଧ୍ୟରେ ଅନୁଷ୍ଠିତ କ୍ୱାଟର ଫାଇନାଲ ମ୍ୟାଚ୍ ରେ ଲୁତୁରପଙ୍କ ପ୍ରଥମେ ବ୍ୟାଟିଂ କରି ୮ ଓଭର ରେ ୧୨୯ ରନ କରିଥିବା ବେଳେ ସାହାଜଲଥା ନିର୍ଦ୍ଧାରିତ ୮ ଓଭର ରେ ୧୦୫ ରନ କରି ପରାସ୍ତ ହୋଇଥିଲା । ଫଳରେ ଲୁତୁରପଙ୍କ ଦଳ ବିଜୟୀ ହୋଇ ସେମି ଫାଇନାଲ ରେ ପ୍ରବେଶ କରିଛି । ଅନୁଷ୍ଠିତ ପୁରସ୍କାର ବିତରଣି ଉତ୍ସବରେ କ୍ରୀଡାବିତ ପଙ୍କଜ ଧଳ , ନାରାୟଣ ଦନ୍ତା ଓ ହର ସାହୁ ଅତିଥି ଭାବେ ଯୋଗଦେଇ ଲୁତୁରପଙ୍କ ର ରାକେଶ ପଧାନ ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରିଥିଲେ।