କୋଟସମଲାଏ ଗ୍ରାମର କୁନି ଝିଅ ସାବିତ୍ରୀ ର ଚିକିତ୍ସା ପାଇଁ ଅର୍ଥ ସାଜିଛି ବାଧକ


ବୀରମହାରାଜପୁର : (ସୌମିତ୍ରି ମେହେର) ଜନ୍ମ ହେଉ ହେଉ ଯନ୍ତ୍ରଣା ଭୋଗୁଛି କୁନି ଝିଅ ସାବିତ୍ରୀ । ପରିବାର ଲୋକ ଉପାୟଶୂନ୍ୟ । ଚିକିତ୍ସା ପାଇଁ ପାଖରେ ଟଙ୍କା ନାହିଁ । ଏଭଳି ଏକ କରୁଣ ଚିତ୍ର ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ଗାଁ ର ମାହାରପଡା ରେ । ଯନ୍ତ୍ରଣା ରେ ଭୋଗୁଛି କୁନି ଝିଅ ସାବିତ୍ରୀ । ଝିଅର ଏଭଳି ଅବସ୍ଥାରେ ଭାଙ୍ଗି ପଡିଲେଣି ପରିବାର ଲୋକେ । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ଗାଁ ର ମାହାରପଡା ର ଶିବରଣା ଙ୍କ ଚତୁର୍ଥ ଝିଅ ସାବିତ୍ରୀ । ବୟସ ମାତ୍ର ୧୧ବର୍ଷ । ତାକୁ ୧୧ବର୍ଷ ରେ ଏମୋନିଆ ଭଳି ରୋଗ ଗ୍ରାସିଛି । ଯାହା ଫଳରେ ଝିଅର ରୋଗରେ ସନ୍ତୁଳି ହେଉଛି ପରିବାର ଲୋକେ । ସାବିତ୍ରୀ କୁ ପ୍ରଥମେ ପରିବାର ଲୋକ ସୋନପୁର ଡାକ୍ତରଖାନା ଏବଂ ପରବର୍ତ୍ତୀ ସମୟରେ ବୁର୍ଲା ନେଇଥିଲେ କିନ୍ତୁ ଅବସ୍କା ଗୁରୁତର ହେବାରୁ ତାକୁ କଟକ ଓ ଭୁବନେଶ୍ୱର ଏମ୍ସ କୁ ନିଆଯାଇଥିଲେ ସୁଦ୍ଧା କିଛି ସୁଫଳ ମିଳିନାହିଁ । ଯାହା ଫଳରେ ପରିବାର ଲୋକେ ଚିନ୍ତାରେ । ପାଖରେ ଥିବା ଗହଣା ଗଣ୍ଠି ସବୁ ବିକ୍ରି କରି ଲୋକଙ୍କ ଠାରୁ ଧାରକରଜ କରି ଡାକ୍ତରଖାନା କୁ ନେଇଥିଲେ । ଏହି ପରିବାର ଅତି ଗରିବ ଶ୍ରେଣୀୟ । ଦାରିଦ୍ର୍ୟ ସୀମାରେଖା ତଳେ ଥିବା ଏହି ପରିବାର ବହୁକଷ୍ଟ ରେ ଜୀବନ ଯାପନ କରୁଛନ୍ତି । ସାବିତ୍ରୀ ର ଚିକିତ୍ସା ପାଇଁ ତାଙ୍କ ମାଆ ସହୟତା କରିବାକୁ ସରକାର ଙ୍କ ସହିତ ସହୃଦୟ ବ୍ୟକ୍ତି ଙ୍କୁ ଆକୁଳ ନିବେଦନ କରିଛନ୍ତି । ଯଥାଶୀଘ୍ର ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଗ୍ରାମବାସୀ ଦାବି କରିଛନ୍ତି I